რუსეთი მარცვლეულის ექსპორტის შეთანხმებაში მონაწილეობას განაახლებს,- აღნიშნულის შესახებ ინფორმაციას რუსეთის თავდაცვის სამინისტრო ავრცელებს.

სამინისტროს ცნობით, მათ „მიიღეს წერილობითი გარანტიები უკრაინისგან, რომ არ გამოიყენონ მარცვლეულის დერეფანი საბრძოლო მოქმედებებისთვის“.

„მარცვლეულის გარიგებაში“ რუსეთის მონაწილეობის აღდგენა თურქეთის პრეზიდენტმა რეჯეფ თაიფ ერდოღანმაც დაადასტურა.

„გაეროს მონაწილეობისა და თურქეთის დახმარების წყალობით, შესაძლებელი გახდა უკრაინისგან საჭირო წერილობითი გარანტიების რუსეთის წინააღმდეგ სამხედრო ოპერაციების ჩასატარებლად უკრაინის პორტების გამოუყენებლობის შესახებ“,- აღნიშნულია განცხადებაში.

Bloomberg-ის ცნობით, რუსეთის თავდაცვის მინისტრმა სერგეი შოიგუმ პირადად დაურეკა თავის თურქ კოლეგას "ოპერაციების დაწყების გამოცხადებისთვის".

შეგახსენებთ, რომ შაბათს, 29 ოქტომბერს, აფეთქებები გაისმა სევასტოპოლის ყურეში , დროებით ოკუპირებულ ყირიმში. რუსეთმა მომხდარში უკრაინა დაადანაშაულა.

მოგვიანებით, რუსეთის ფედერაციის თავდაცვის სამინისტრომ გამოაცხადა, რომ შავი ზღვის ფლოტის გემებზე „შეტევების“ გამო, რუსეთი მარცვლეულის შეთანხმებას ტოვებს.

უკრაინის პრეზიდენტმა ვოლოდიმირ ზელენსკიმ რუსეთის ფედერაციის მიერ მარცვლეულის ექსპორტის შეჩერებას პროგნოზირებადი უწოდა და მსოფლიოს მკაცრი რეაგირებისკენ მოუწოდა.

ავტორი: ექსპრესნიუსი,

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე