გარემოს დაცვისა და სოფლის მეურნეობის მინისტრის მოადგილე ნინო თანდილაშვილი იაპონია-საქართველოს დიპლომატიური ურთიერთობების დამყარებიდან 30-ე საიუბილეო წლის აღსანიშნავად საქართველოში გამართულ იაპონურ ბიზნესფორუმზე სიტყვით გამოვიდა.

სოფლის მეურნეობის სამინისტროს ცნობით, ბიზნესფორუმის მიზანი იაპონია-საქართველოს ურთიერთობების შემდგომი გაღრმავება და ფორუმის მონაწილე ქვეყნების ბიზნესწარმომადგენლებს შორის კავშირის დამყარება იყო. 

ნინო თანდილაშვილმა, სიტყვით გამოსვლისას, მადლობა გადაუხადა იაპონიის საელჩოს ქვეყნებს შორის თანამშრომლობის გაღრმავების ხელშეწყობისთვის და აღნიშნა, რომ იაპონიის მთავრობა წლების განმავლობაში მხარს უჭერს საქართველოს სხვადასხვა გარემოსდაცვით საკითხებში.

„საქართველომ და იაპონიამ ხელი მოაწერეს თანამშრომლობის მემორანდუმს ერთობლივი საკრედიტო მექანიზმის (JCM) შექმნის შესახებ, რომლის ფარგლებშიც, იაპონია საქართველოსთან სათბური აირების ემისიების შემცირების მიმართულებით ითანამშრომლებს. საქართველო მიზნად ისახავს ახალ ტექნოლოგიებზე წვდომას და აქტივობების ეროვნულ დონეზე განხორციელებას. JCM-მა ხელი უნდა შეუწყოს ჩვენი ქვეყნების კერძო სექტორებს შორის თანამშრომლობის გაღრმავებას, სხვადასხვა გარემოსდაცვითი საკითხების მოსაგვარებლად“, - განაცხადა ნინო თანდილაშვილმა.

ღონისძიების მონაწილეებმა მდგრადი ბიზნესგარემოს, რეგიონის სავაჭრო პოტენციალსა და ენერგეტიკული და კლიმატთან დაკავშირებულ საკითხებზე ისაუბრეს.

ბიზნესფორუმი საქართველოში იაპონიის საელჩოსა და საქართველოს ბიზნესასოციაციის ორგანიზებით გაიმართა.

ავტორი: NS (სტატია დაფინანსებულია),

სოციალური ქსელები

გიგა ავალიანის საქმეზე ბრალდება კიდევ ორ პირს წარედგინა, დაკავებულია ირაკლი სულაბერიძე და დემეტრე კასრაძე

ევროკავშირმა Temu 200 მილიონი ევროთი დააჯარიმა

კობახიძე: ზვიად ხარაზიშვილს ეკუთვნოდა ღირსების ორდენი, დაგვიცვა გადატრიალების მცდელობისგან

კობახიძე: დახვეწილი ხელწერაა, როცა ხელისუფლებას აქვს ჯანსაღი რეაქცია სამართალდარღვევაზე