პენტაგონი უკრაინას სამხედრო დახმარების ახალ პაკეტს უგზავნის. პენტაგონის ოფიციალური წარმომადგენელის განცხადებით, საუბარია საბრძოლო მასალასა და სხვა საშუალებებზე, რომელთა საერთო ღირებულება 275 მილიონი დოლარია.

კერძოდ, პაკეტში შედის:

დამატებითი საბრძოლო მასალა HIMARS-ებისთვის;

500 მაღალი სიზუსტის 155 მმ საარტილერიო ჭურვი;

1300-ზე მეტი ტანკსაწინააღმდეგო სისტემა (მრავალფუნქციური თავდასხმის იარაღი SMAW, AT4);

125 Army Humvee-ის სატვირთო;

ოთხი სატელიტური საკომუნიკაციო ანტენა.

მისივე თქმით, HIMARS უკრაინელებს ბრძოლის ველზე ვითარების შეცვლაში მნიშვნელოვნად ეხმარება.

შეგახსენებთ, რომ 21 სექტემბერს აშშ-ს პრეზიდენტმა, ჯო ბაიდენმა განაცხადა, რომ შეერთებულმა შტატებმა უკვე გამოყო 25 მილიარდ დოლარზე მეტი უკრაინის დასახმარებლად.

1-ელ ოქტომბერს ბაიდენმა ხელი მოაწერა კანონს, რომელიც უკრაინისთვის დამატებით 12,3 მილიარდ დოლარზე მეტის დახმარების გამოყოფას ითვალისწინებს.

ამასთან, 4 ოქტომბერს ბაიდენმა უკრაინის ახალი 625 მილიონი დოლარის სამხედრო დახმარების პაკეტის გამოყოფის შესახებ გამოაცხადა.

ოქტომბრის შუა რიცხვებში ცნობილი გახდა, რომ შეერთებული შტატები უკრაინას საბრძოლო მასალისა და Humvee სამხედრო სატვირთოებს გაუგზავნის, როგორც 725 მილიონი დოლარის დახმარების პაკეტის ნაწილი.

აღსანშნავია, რომ 24 თებერვლიდან შეერთებული შტატების მიერ გაწეული დახმარების მთლიანმა მოცულობამ 17,5 მილიარდს მიაღწია.

ავტორი: ექსპრესნიუსი,

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით