2022-11-01 13:40:00, 1596 ნახვა
მსოფლიო
საბერძნეთში მიგრანტების ნავი ჩაიძირა - უგზო-უკვლოდ დაკარგულ ათობით ადამიანს ეძებენ
საბერძნეთში, ევიასა და ანდროს კუნძულებს შორის, ღამით თურქეთიდან შესული მიგრანტების ნავი ჩაიძირა. მედიის მიერ გავრცელებული ინფორმაციის მიხედვით, ნავზე, დაახლოებით, 68 ადამიანი იმყოფებოდა.
სანაპირო დაცვა აცხადებს, რომ ჯერჯერობით მხოლოდ 9 ადამიანის გადარჩენა მოხერხდა. ისინი საბერძნეთის დედაქალაქის აღმოსავლეთით მდებარე დაუსახლებელ კლდოვან კუნძულზე იპოვეს.
უგზო-უკვლოდ დაკარგული ათობით მიგრანტის სამძებრო-სამაშველო ოპერაცია ამ დრომდე გრძელდება.
სანაპირო დაცვის ინფორმაციით, სამძებრო-სამაშველო ღონისძიებებში ვერტმფრენი, სანაპირო დაცვის საპატრულო კატარღა და ორი გემი მონაწილეობს.
ავტორი: ექსპრესნიუსი,
epn.ge (@expressnews.ge)
