2022-10-25 10:32:27, 1050 ნახვა

---

IAEA-ს ექსპერტები უკრაინის ორ ბირთვულ ობიექტს შეამოწმებენ, სადაც რუსეთის ბრალდებით, „ბინძურ ბომბებზე” მუშაობენ

რუსეთის „ბინძური ბომბის” ბრალდებების ფონზე, ორგანიზაციის ინსპექტორები უკრაინაში უახლოეს მომავალში შეამოწმებენ ორ ბირთვულ ობიექტს,- აღნიშნულის შესახებ ატომური ენერგიის საერთაშორისო სააგენტოს (IAEA) დირექტორმა, რაფაელ გროსიმ განაცხადა.

გროსის თქმით, ერთი თვის წინ სააგენტომ ამ ორი ობიექტიდან ერთ-ერთი შეამოწმა და ყველაფერი ნორმების შესაბამისად იყო.

„IAEA-მ ჩაატარა ინსპექტირება ერთ-ერთ ამ ობიექტში ერთი თვის წინ და ჩვენი ყველა დასკვნა შეესაბამებოდა უკრაინის უსაფრთხოების დეკლარაციებს. იქ არადეკლარირებული ბირთვული აქტივობები ან მასალები არ იქნა ნაპოვნი“,- განაცხადა გროსიმ.

ცნობისთვის, მანამდე უკრაინის საგარეო საქმეთა მინისტრმა, დმიტრო კულებამ IAEA-ს თავად მიმართა თხოვნით, შეემოწმებინათ ობიექტები, სადაც, რუსეთის ბრალდებით, „ბინძურ ბონბებზე” მუშაობდნენ.

შეგახსენებთ, რომ 23 ოქტომბერს რუსეთის თავდაცვის მინისტრმა სერგეი შოიგუმ დიდი ბრიტანეთის, საფრანგეთის და თურქეთის თავდაცვის მინისტრებთან საუბრის დროს უკრაინის მხრიდან „ბინძური ბომბის” გამოყენების საფრთხეზე ისაუბრა.

 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი