ერთი რუსეთია, რომელსაც დასანქცირებული ჰყავს საქართველოს მოქალაქეები და მეორე უკრაინა. - ამის შესახებ „ქართული ოცნების" ლიდერმა, მამუკა ხაზარაძემ განაცხადა.

მისივე თქმით, საქართველო მხარს უჭერს უკრაინას, მათ შორის ჰააგაში.

"რაც არ უნდა სამწუხარო და რთული სათქმელი იყოს, ერთი ქვეყანაა რუსეთი, რომელსაც დასანქცირებული ჰყავს საქართველოს მოქალაქეები და მეორე აღმოჩნდა მასთან ომში მყოფი უკრაინა. არ მგონია, უკრაინელი ხალხის ნებას გამოხატავდეს მეგობრებისთვის სანქციების დაწესება არგუმენტების, მტკიცებულებების და ყოველგვარი ფაქტების გარეშე. ჩვენ არაერთგზის მოვითხოვეთ ერთი ფაქტი მაინც. უბედურება ის არის რომ ჩვენი კოლეგები, ამ დარბაზში მსხდომი ქართველები აპელირებდნენ ამაზე, რომ შავი ხვრელია საქართველო და გვერდის ავლა ხდება. ვერც ერთი მტკიცებულება ვერ მოიტანეს და მოიპოვეს, იმიტომ, რომ ბუნებაში რაც არ არის, იმას ვერ მოიპოვებენ. პირიქით, 400-ზე მეტ დოკუმენტი არსებობს, რომ საქართველო მხარს უჭერს უკრაინას, მათ შორის ჰააგაში. ამის მიუხედავად, ვიღაცების დასანქცირება ხდება, რომ როგორმე მიუახლოვდნენ თავისი შეკრული მოჯადოებული ე.წ. წრით ბიძინა ივანიშვილს, რომ დააბრუნონ პოლიტიკაში, დააშანტაჟონ და შემდეგ ეს ქვეყანა ომში ჩართონ".-ნათქვამია განცხადებაში.

ცნობისთვის, უკრაინამ საქართველოს ყოფილი პრემიერ-მინისტრის, ბიძინა ივანიშვილის ოჯახი დაასანქცირა. განკარგულება, რომელსაც ხელი უკრაინის პრეზიდენტმა მოაწერა, გულისხმობს რუსი ოლიგარქების, კომპანიებისა და საწარმოების წინააღმდეგ სანქციების დაწესებას.

გამოქვეყნებულ ბრძანებაში ნათქვამია, რომ სანქცირებულთა სიაში მოხვდნენ ბიძინა ივანიშვილის დეიდაშვილი, უჩა მამაცაშვილი და მისი შვილი, ტიტე მამაცაშვილი. გარდა ამისა, ალექსანდრე ივანიშვილი, მის ცოლთან ერთად.

ავტორი: ექსპრესნიუსი,

სოციალური ქსელები

რუსეთმა ივლისში უკრაინის მიმართულებით რეკორდული რაოდენობის რაკეტები ისროლა

ივლისში რუსეთის არმიის დანაკარგებმა მთელი ომის რეკორდულ მაჩვენებელს მიაღწია

საქართველოში დაიწყო სამუშაოები ანაკლიის ღრმაწყლოვანი პორტის მშენებლობაზე, რომელიც შუა დერეფნის კვანძია

კობახიძე – ოპოზიცია მთლიანად მოშლილია, ჯერ ქართველ ხალხს არ მოსწონდა ეს ოპოზიცია, ახლა უკვე ერთმანეთი აღარ მოსწონთ