13 წლის ბიჭის მდგომარეობა, რომელიც ვაკის პარკში მომხდარი ტრაგედიისას დაშავდა, გაუმჯობესებულია.

როგორც „ნიუ ჰოსპიტალსის” ბავშვთა ჯანმრთელობის ცენტრის ხელმძღვანელმა, დავით ციბაძემ განაცხადა, მოზარდი ფილტვის ხელოვნური ვენტილაციიდან მოიხსნა და არის სპონტანურ სუნთქვაზე. 

“ამ წუთისთვის ბავშვის მდგომარეობა გაუმჯობესებულია, რაც გამოიხატება იმით, რომ მოიხსნა ფილტვის ხელოვნური ვენტილაციიდან და არის სპონტანურ სუნთქვაზე, შემოდის კონტაქტში, დაეკონტაქტა თავის მშობლებს. გარკვეული რისკები რჩება, მაგრამ პირველ 24 საათში ყველაზე ცუდი, რაც შეიძლება მომხდარიყო - ანექსიური დაზიანება მეტ-ნაკლებად დაძლეულია და ვიმედოვნებთ, რომ მალე სახლში წავა”, - განაცხადა ექიმმა. 

შეგახსენებთ, რომ გუშინ, ახლად გახსნილ ვაკის პარკის მრგვალ შადრევანში სკოლის 3 მოსწავლე ჩავარდა. როგორც თვითმხილველები ჰყვებიან, მერვე კლასელ გოგონას თამაშის დროს ბურთი შადრევანში ჩაუვარდა, რომლის ამოღების მცდელობისას, დენმა დაარტყა. ექიმების მისვლამდე მის გადასარჩენად ორი თანატოლი ბიჭი ეცადა.  

ექიმებმა 13 წლის გოგონას გადარჩენა ვერ შეძლეს, მძიმეა მისი თანატოლის მდგომარეობაც. რაც შეეხება მესამე მოზარდს, 13 წლის ბიჭი იაშვილის კლინიკაში გადაიყვანეს, სადაც მართვის სუნთქვაზე იმყოფება.

ავტორი: ექსპრესნიუსი,

სოციალური ქსელები

წულუკიანი გორზე: ამ საზარელმა კადრებმა დაგვიდასტურა, რომ მტერი მეტი გვყავს, ვიდრე გვეგონა

გორში, პოლიციის განყოფილებასთან ხმაურია - ვიდეო

გიგა ავალიანის საქმეზე ბრალდება კიდევ ორ პირს წარედგინა, დაკავებულია ირაკლი სულაბერიძე და დემეტრე კასრაძე

ევროკავშირმა Temu 200 მილიონი ევროთი დააჯარიმა