საქართველოს 2023 წლის სახელმწიფო ბიუჯეტის შესახებ საქართველოს კანონის პროექტით, ბიუჯეტი სოფლის მეურნეობის სექტორში, 15.7%-ით გაზრდილია, რაც ითვალისწინებს პროგრამაში „დანერგე მომავალი“ თანადაფინანსების ზრდასაც. აღნიშნულ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, სოფლის მეურნეობის ღირებულებათა ჯაჭვის ერთ-ერთი მნიშვნელოვანი კომპონენტია, პირველადი წარმოება და მისი ზრდა,  როგორც ერთწლოვანი, ისე მრავალწლოვანი კულტურების მიმართულებით სახელმწიფოსთვის მნიშნველოვანია პრიორიტეტია. არაერთი სახელმწიფო პროგრამა უჭერს მხარს პირველადი პროდუქციის გაშენებას, მოვლასა და მოყვანას. მრავალწლოვანი კულტურების გაშენების მხარდაჭერის კუთხით წარმატებული პროგრამაა „დანერგე მომავალი“. 

მხოლოდ, 2022 წელს 3, 600 ჰექტარზე დაფინანსდა ბაღების გაშენება; მიმდინარე წლის გაზაფხულზე, ბაღების გაშენება დაკონტრაქტებულია 3,000 ჰექტარზე მეტ ფართობზე. პროგრამის ბიუჯეტის ზრდა ნიშნავს მეტ ახალ თანამედროვე  ბაღს, რაც დადებითად აისახება  მეხილეობის დარგის განვითარებაზე. 
2015 წელს, როდესაც  სახელმწიფომ პროგრამის „დანერგე მომავალი” განხორცილება დაიწყო, ფერმერებს სჭირდებოდათ მხარდაჭერა პირველად წარმოებაში, რათა ქვეყანაში ეფექტიანად ყოფილიყო გამოყენებული სასოფლო-სამეურნეო მიწები, გაზრდილიყო თვითუზრუნველყოფის მაჩვენებლები და საექსპორტო შესაძლებლობები. პროგრამის განხორციელებამ  შესაძლებელი გახადა ქვეყანაში შექმნილიყო კონკურენტუნარიანი, თანამედროვე მეურნეობები, რომელთა მიერ წარმოებული ხარისხიანი ქართული პროდუქცია  თავს იმკვიდრებს როგორც ადგილობრივ, ასევე  საერთაშორისო ბაზრებზე.  

სოფლის განვითარების სააგენტოს მიერ  პროგრამის „დანერგე მომავალი“ დაწყებიდან დღემდე, 19,524 ჰა-ზე  ახალი მრავალწლოვანი ხეხილის ბაღების გაშენება, ჭის/ჭაბურღილის, წვეთოვანი სარწყავი სისტემების, სეტყვის საწინააღმდეგო ბადეების მოწყობისა და სანერგე მეურნეობების მოწყობა  დაფინანსდა.  ინვესტიციის მოცულობამ შეადგინა 270,174,519 ლარი, სახელმწიფო თანaდაფინანსება  კი,  141,093,116 ლარია.   

2022 წელს, ისევე როგორც მომდევნო წლებში, პროგრამით გაშენებული კულტურების  მოსავალი მზარდია, რაც განპირობებულია გაშენებული ბაღების  მსხმოიარობაში ეტაპობრივად შესვლით.  

ავტორი: NS (სტატია დაფინანსებულია),

სოციალური ქსელები

ევროკავშირმა სანქციები დააწესა ოთხი ორგანიზაციისა და სამი ისრაელელი „ექსტრემისტი მკვიდრის“ წინააღმდეგ

წულუკიანი გორზე: ამ საზარელმა კადრებმა დაგვიდასტურა, რომ მტერი მეტი გვყავს, ვიდრე გვეგონა

გორში, პოლიციის განყოფილებასთან ხმაურია - ვიდეო

გიგა ავალიანის საქმეზე ბრალდება კიდევ ორ პირს წარედგინა, დაკავებულია ირაკლი სულაბერიძე და დემეტრე კასრაძე