ბათუმში ევროპის სამედიცინო სკოლების ასოციაციის - AMSE-ს ყოველწლიური კონფერენცია გაიხსნა.

 სასტუმრო ,,ლიც რეზორტ“-ში, დღეს ევროპის სამედიცინო სკოლების ასოციაციის - AMSE-ს ყოველწლიური კონფერენცია გაიხსნა, რომელსაც დავით ტვილდიანის სამედიცინო უნივერსიტეტი მასპინძლობს. კონფერენციის გახსნას აჭარის ჯანდაცვის მინისტრი ნინო ნიჟარაძე და პირველი მოადგილე, მარი ზანაქიძე ესწრებოდნენ.

,,მნიშვნელოვანი ფაქტია ის,  რომ საქართველო პირველად მასპინძლობს ევროპის სამედიცინო სკოლების ასოციაციის კონფერენციას, მეტიც კონფერენციამ პირველად დატოვა ევროპის ფარგლები, რაც გულისხმობს ქართული სამედიცინო საგანმანათლებლო სისტემის მიღწევებისა და მომავალ მხარდაჭერას. ყოველწლიური კონფერენცია უნიკალურ შესაძლებლობას აძლევს AMSE-ს წევრებს და ევროპული სამედიცინო სკოლების დელეგატებს, შეხვდნენ, ისწავლონ და გაუზიარონ თავიანთი გამოცდილება, ასევე სამედიცინო განათლების პოლიტიკის განვითარების ხედვები“ - აღნიშნა სიტყვით გამოსვლისას მინისტრმა, ნინო ნიჟარაძემ. 

 AMSE 2022 კონფერენციის მთავარი თემაა ხარისხის უზრუნველყოფა  მომავლის სამედიცინო სკოლებში. 

"სამედიცინო სკოლების უმრავლესობა ევროპაში, ისევე როგორც მთელ მსოფლიოში, ნაწილობრივ აღმოჩნდნენ კრიზისში. გამოწვევები დაკავშირებულია COVID-19 პანდემიასთან, სამხედრო კონფლიქტებთან და კლიმატის ცვლილების შედეგებთან. AMSE 2022 კონფერენცია არის შესაძლებლობა AMSE-ს წევრი სკოლებისა და სხვა საკვანძო ორგანიზაციების ლიდერებისთვის, შეიკრიბონ და იმსჯელონ ამჟამინდელ ვითარებაზე. იმაზე, თუ როგორ შეუძლიათ, დებატების საშუალებით, რომლებიც უზრუნველყოფენ ხარისხს ყველა სკოლაში, აქტიურად ჩამოაყალიბონ სამედიცინო განათლების მომავალი. სწორედ, ამიტომ  კონფერენციაში მოწვეულები არიან სხვადასხვა ევროპული სკოლების დეკანები, ლიდერები, პედაგოგები და მკვლევარები“ - აღნიშნა, დავით ტვილდიანის სამედიცინო უნივერსიტეტის რექტორმა, ლევან ტვილდიანმა.  

კონფერენციაში მონაწილეობენ სამედიცინო განათლების მსოფლიო ფედერაციის პრეზიდენტი, საექიმო განათლების ევროპული საბჭოს, ასევე ბიომედიცინისა და ჯანმრთელობის მეცნიერებათა ევროპული სისტემის ორგანიზაციის წარმომადგენლები.

ევროპის სამედიცინო სკოლების ასოციაცია - AMSE  1979 წელს დაარსდა, როგორც სამედიცინო დეკანთა ასოციაცია, დაარსების დღიდან ემსახურება ევროპის რეგიონში სამედიცინო სკოლებს შორის თანამშრომლობიდ განვითარების ხელშეწყობას, ისე ხარისხის ამაღლებას.

ავტორი: NS (სტატია დაფინანსებულია),

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი