გავლენიანი ტელეკომპანია „Euronews“ ბათუმს, როგორც ევროპის სწრაფად მზარდ ტურისტულ მიმართულებას ვრცელ სიუჟეტს. აღნიშნულის შესახებ ინფორმაციას აჭარის ტურიზმისა და კურორტების დეპარტამენტი ავრცელებს.

მათი ცნობით, „ბათუმი, აჭარის ავტონომიური რესპუბლიკის დედაქალაქი არის ქალაქი, რომელმაც ბოლო წლებში წარმოუდგენელი მეტამორფოზა განიცადა, ყველაფერი გააკეთა ტურიზმის განვითარებისთვის და ევროპის სწრაფად მზარდ ტურისტულ მიმართულებად იქცა,“ ასე იწყებს ბათუმზე საუბარს ჟურნალისტი. სიუჟეტში მთავარი ყურადღება აჭარაში ტურიზმის, ბიზნესისა და  ტურისტული ინფრასტრუქტურის განვითარებას, ასევე ბათუმის, როგორც ოთხი სეზონის ტურისტულ მიმართულებად ჩამოყალიბებას ეთმობა.

„აქ სიძველე და თანამედროვეობა სრულყოფილ ჰარმონიაშია შერწყმული. ძველი ქალაქის ქუჩები და მოედნები, სადაც შეგიძლიათ ისტორია სრულად შეიგრძნოთ, კონტრასტშია ზღვის სანაპიროზე მდებარე უზარმაზარ, მდიდრულ ცათამბჯენებთან. სხვა მიზეზებთან ერთად, შავი ზღვის მარგალიტი ასევე არის ქვეყნის ნომერ პირველი ბიზნეს ლოკაცია, მისი გეოგრაფიული მდებარეობის, სერვისებისა და ინფრასტრუქტურის წყალობით.“ აგრძელებს ბათუმზე საუბარს ჟურნალისტი, რომელმაც გარდა ბათუმის ტურისტული ღირსშესანიშნაობების მონახულებისა რეგიონი ახალი ტურისტული პროდუქტით კანიონინგით ისარგებლა.

„აჭარის მდიდარი ბიომრავალფეროვნება, მისი დაცული ტერიტორიებითა და იუნესკოს სტატუსის მქონე ეროვნული პარკებით, შესანიშნავად ასახავს თავის თავს. ბათუმიდან სულ რაღაც 30 წუთში მანქანით ულამაზესი ბუნებით გარშემორტყმულ თვალწარმტაც გარემოში შეგიძლია აღმოჩნდეთ. აქ შეგიძლიათ ლაშქრობა, ფრინველებზე დაკვირვება, ჯომარდობა, ცხენებით გასეირნება ან სრულიად ახალი აქტივობა კანიონინგი გამოსცადოთ, როგორც ეს ჩვენ გავაკეთეთ. კაპნისთავის კანიონი თავისი შვიდი ჩანჩქერით ბოლო თვეების განმავლობაში აღიჭურვა შესაბამისი ინფრასტრუქტურით, რათა დამთვალიერებლებს საშუალება მიეცეთ ამ ეტაპისთვის ერთ-ერთი ყველაზე პოპულარული გარე აქტივობით დატკბნენ“. 

რეპორტაჟში ჟურნალისტი ჩინცია რიცი ბათუმში ტურისტული ინფრასტრუქტურის განვითარებასა და ახალი პროექტებზე საუბრობს. მათ შორისაა ბათუმის ახალი სტადიონი და ხელოვნური კუნძულის პროექტი.

„და სწორედ ინფრასტრუქტურაზე ზრუნავს ყველაზე მეტად ადგილობრივი ხელისუფლება. ეს არის სტრატეგია, რომელიც იზიდავს ახალ ინვესტორებს, აძლიერებს ეკონომიკას და ზრდის ქალაქის საერთაშორისო რეპუტაციას. ამის მაგალითია ბათუმის ახალი სტადიონი (აჭარაბეთ არენა): ობიექტი, რომელიც 30 მილიონ ევროზე მეტი დაჯდა და 2023 წელს  ევროპის 21-წლამდელთა ჩემპიონატის რამდენიმე მატჩს უმასპინძლებს. კიდევ ერთი მასიური პროექტი, რომლითაც მთავრობა ძალიან გატაცებულია, არის ბათუმის ხელოვნური კუნძული. პროექტი გულისხმობს ორი ხელოვნური ნახევარკუნძულისა და ერთი კუნძულის შექმნას, რომელიც  ქალაქის ზღვისპირა ზონაში თანამედროვე კურორტის განვითარებას შეუწყობს ხელს“.

ბათუმის შესახებ მომზადებული სიუჟეტი მსოფლიოს 160 ქვეყანაში ევრონიუსის მილიონობით მაყურებელმა იხილა. ჟურნალისტები რეგიონს აჭარის ტურიზმის დეპარტამენტის მოწვევით სექტემბერსი სტუმრობდნენ.

ავტორი: NS (სტატია დაფინანსებულია),

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი