გლდანში სასწავლო წლის დაწყებისადმი მიძღვნილი ღონისძიება გაიმართა

2022-09-26 15:38:18, 1152 ნახვა

საზოგადოება

გლდანის რაიონის გამგეობამ სასწავლო წლის დაწყებისადმი მიძღვნილი ღონისძიება გამართა. V მიკრორაიონის N17- N8-N25 საცხოვრებელ კორპუსთან მდებარე სკვერში მისულ ბავშვებს მრავალფეროვანი სახალისო თამაშები, შოუ პროგრამები და შეჯიბრებები, სხვადასხვა სახის სწავლება, ანიმატორები, ოჩოფეხები, ბატუტი, ფოტო ჯიხური, სახის მოხატვა, საპნის ბუშტების შოუ დახვდათ. აღნიშნულ ინფორმაციას გლდანის რაიონის გამგეობა ავრცელებს.

მათი ცნობით, ღონისძიება კონცერტით გაგრძელდა, რომელშიც მონაწილეობა ქართული ესტრადის წარმომადგენლებმა - გიორგი ცხადაძემ, სალომე ბაკურაძემ და ნათია დუმბაძემ მიიღეს. საღამო კი ჯგუფმა ,,გუფი ლენდმა" დაასრულა.

ღონისძიებას გლდანის რაიონის გამგებლის მოვალეობის შემსრულებელი ზურაბ ქაშიაშვილი, საკრებულოს მაჟორიტარ დეპუტატ კონსტანტინე ზარნაძესთან ერთად დაესწრო და ბავშვებს სწავლის დაწყება მიულოცა.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),