ვლადიმირ პუტინი მხოლოდ იმ შემთხვევაში დათმობს თავის იმპერიულ ამბიციებს, თუ გაიაზრებს, რომ რუსეთი ომს ვერ მოიგებს,- ამის შესახებ გერმანიის კანცლერმა, ოლაფ შოლცმა გაეროს გენერალურ ასამბლეაზე სიტყვით გამოსვლისას განაცხადა.

მისი თქმით, ის არ მიიღებს რუსეთის ნაკარნახევ მშვიდობას.

„სწორედ ამიტომ, ჩვენ არ მივიღებთ რუსეთის ნაკარნახევ მშვიდობას და ამიტომ, უკრაინამ ბრძოლის ველზე რუსეთის ჯარების მოგერიება უნდა შეძლოს",- განაცხადა შოლცმა. 

მისივე თქმით, იმპერიალიზმის დაბრუნება, უკრაინასთან პუტინის ომით, კატასტროფა იყო არა მხოლოდ ევროპისთვის, არამედ გლობალური, წესებზე დაფუძნებული სამშვიდობო წესრიგისთვის.

„უმწეო მზერით ვუყურებთ რუსეთს, რომელსაც სურს, დაგვაბრუნოს მსოფლიო წესრიგში, სადაც ომი პოლიტიკის საერთო საშუალებაა, დამოუკიდებელი ქვეყნები უნდა შეუერთდნენ თავიანთ ძლიერ მეზობლებს ან კოლონიალურ ბატონებს, ხოლო კეთილდღეობა და ადამიანის უფლებები საზოგადოების მხოლოდ პრივილეგირებული ფენისთვის არსებობს? თუ ერთად უზრუნველყოფთ იმ რეალობის შექმნასა და დაცვას, სადაც 21-ე საუკუნეში მსოფლიო მრავალპოლუსიან სამყაროდ დარჩება? ჩემი პასუხია, რომ ჩვენ ეს უნდა მოვახერხოთ”,- დასძინა შოლცმა.

ცმონისთის, გაეროს გენერალური ასამბლეის 77-ე სესია 20 სექტემბერს გაიხსნა.

მისი დღის წესრიგის უმთავრესი თემაა ომი უკრაინაში. აღსანიშნავია, რომ ასამბლეაზე ასევე სიტყვით გამოვა საქართველოს პრემიერ-მინისტრი, ირაკლი ღარიბაშვილი. 

შეგახსენებთ, რომ 24 თებერვლიდან რუსეთი აწარმოებს „სპეციალურ სამხედრო ოპერაციას“ უკრაინის დემილიტარიზაციისა და დენაციფიკაციის მიზნით. ვლადიმერ პუტინმა მის მიზანს უწოდა "ადამიანების დაცვა, რომლებიც რვა წლის განმავლობაში ექვემდებარებოდნენ ბულინგსა და გენოციდს კიევის რეჟიმის მიერ".

რუსეთის მტკიცებით, შეიარაღებული ძალები მხოლოდ სამხედრო ინფრასტრუქტურას და უკრაინულ ჯარებს ურტყამენ. ამასთან თავდაცვის დეპარტამენტში ოპერაციის მთავარ მიზანს დონბასის გათავისუფლება უწოდებენ.

ავტორი: ექსპრესნიუსი,

სოციალური ქსელები

ლავროვმა რუბიოს ოფიციალურად აცნობა კიევზე მოსალოდნელი დარტყმების შესახებ

მოსკოვმა საქართველოში "რუსოფობიის მონიტორინგის საბჭო" შექმნა, რომელიც მოქალაქეებს უთვალთვალებს

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა

ლელო აშშ-ის სახელმწიფო დეპარტამენტის დელეგატებთან შეხვედრის შესახებ: „ჩვენი პოზიციები ძირითადად ემთხვევა“