ირანში საპროტესტო აქციები გრძელდება -  ქურთისტანის რეგიონში უსაფრთხოების ძალებმა მოქალაქეებს ცეცხლი გაუხსნეს, რის შედეგადაც 5 ადამიანი დაიღუპა. 

დემონსტრანტები აპროტესტებდნენ მაჰსა ამინის პოლიციის მიერ დაკავებას, რის შემდეგაც იგი კომაში ჩავარდა და გარდაიცვალა.

ჰენგაუს ადამიანის უფლებათა ორგანიზაციის ცნობით, ორი ადამიანი დაიღუპა მას შემდეგ, რაც უსაფრთხოების ძალებმა ცეცხლი გაუხსნეს აქციის მონაწილეებს ქურთისტანის ქალაქ საკეზში, ამინის მშობლიურ ქალაქში.

მისი თქმით, კიდევ ორი ​​დაიღუპა ქალაქ დივანდარეში უსაფრთხოების ძალების "პირდაპირი ცეცხლით", ხოლო მეხუთე დაიღუპა დეჰგოლანში, ასევე ქურთისტანის რეგიონში.

ცნობისთვის, საქმე ეხება 22 წლის მაჰსა ამინს ირანის ქურთისტანის პროვინციიდან, რომელიც დაკავების შემდეგ, კომაში ჩავარდა და გარდაიცვალა. აღნიშნულმა ფაქტმა,  გამოიწვია დემონსტრაციები მრავალ რაიონში, მათ შორის დედაქალაქში.ბოფიციალურმა საინფორმაციო სააგენტო IRNA-მ განაცხადა, რომ იყო "შეზღუდული" საპროტესტო აქციები შვიდი პროვინციის რიგ ქალაქში, რომლებიც პოლიციამ დაარბია

პოლიციის მტკიცებით, ახალგაზრდა ქალი ავად გახდა, როდესაც ის სხვა ქალებთან ერთად ელოდებოდა პოლიციას. მაგრამ ამინის მამამ არაერთხელ თქვა, რომ მის ქალიშვილს ჯანმრთელობის პრობლემები არ ჰქონდა და დასძინა, რომ მას ფეხის სისხლჩაქცევები ჰქონდა. 

თეთრი სახლის სპიკერის თქმით, „მაჰსა ამინისთვის სასიკვდილო ჭრილობები მიყენებული იქნა იმის გამო, რომ ის ატარებდა "არაშესაფერისს" ჰიჯაბს, რაც არის ადამიანის უფლებების შემზარავი და საშინელი შეურაცხყოფა“.

საპროტესტო გამოსვლები ყველაზე ინტენსიური იყო ქურთისტანის რეგიონში, სადაც ხელისუფლებამ ჩაახშო 8-დან 10 მილიონამდე ქურთი უმცირესობის საპროტესტო აქციები. ჰენგავმა განაცხადა, რომ ორშაბათს 75 ადამიანი დაშავდა.

ავტორი: ექსპრესნიუსი,

სოციალური ქსელები

ლავროვმა რუბიოს ოფიციალურად აცნობა კიევზე მოსალოდნელი დარტყმების შესახებ

მოსკოვმა საქართველოში "რუსოფობიის მონიტორინგის საბჭო" შექმნა, რომელიც მოქალაქეებს უთვალთვალებს

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა

ლელო აშშ-ის სახელმწიფო დეპარტამენტის დელეგატებთან შეხვედრის შესახებ: „ჩვენი პოზიციები ძირითადად ემთხვევა“