მშვიდობა მაშინ გახდება შესაძლებელი, როცა იარაღს დადებენ და დიალოგს დაიწყებენ,- ასე გამოეხმაურა რომის პაპი სომხეთ-აზერბაიჯანს შორის მიმდინარე კონფლიქტს.

პაპის თქმით, მნიშვნელოვანია, რომ მხარეებმა პატივი სცენ ცეცხლის შეწყვეტის შეთანხმებას.

„ძალიან შოკირებული ვარ აზერბაიჯანსა და სომხეთს შორის ბოლოდროინდელი შეტაკებების გამო. ჩემს სულიერ სიახლოვეს გამოვხატავ გარდაცვლილთა ნათესავებთან და მოვუწოდებ მხარეებს პატივი სცენ ცეცხლის შეწყვეტის შეთანხმებას. მშვიდობა მაშინ გახდება შესაძლებელი, როცა იარაღს დადებენ და დიალოგს დაიწყებენ,- განაცხადა პაპმა.

შეგახსენებთ, რომ სამშაბათს ღამით, სომხეთისა და აზერბაიჯანის საზღვარზე საომარი მოქმედებები დაიწყო. მხარეებმა ერთმანეთი პროვოკაციებში დაადანაშაულეს. ერევანმა დილით მიმართა რუსეთს, CSTO-ს და გაეროს უშიშროების საბჭოს.

სომხეთის ცნობით, აზერბაიჯანელმა სამხედროებმა ქვეყნის ტერიტორიაზე საარტილერიო ცეცხლი გახსნეს.

ერევნის ცნობით, ბაქომ გამოიყენა დრონები და ასევე მიიღო "მოქმედებები პოზიციების წინსვლისთვის" ზოგიერთ რაიონში.

დაზარალდა საზღვარზე მდებარე ტერიტორიები - გეღარქუნიკის, ვაიოც ძორის, სიუნიქის რეგიონები (აკავშირებს სომხეთს ირანთან), რომლებიც არ არის დაკავშირებული მთიან ყარაბაღთან.

მომხდარი დაპირისპირების შედეგად, სომხური მხრიდან 135, ხოლო აზერბაიჯანის მხრიდან 77 სამხედრო დაიღუპა.

ცეცხლის შეწყვეტის შეთანხმების დარღვევაში ორივე მხარე ერთმანეთს ადანაშაულებს.

ავტორი: ექსპრესნიუსი,

სოციალური ქსელები

19 ივლისს უმეტეს რეგიონში მოსალოდნელია წვიმა, ელჭექი, სეტყვა

რუსეთში ათასობით ტურისტული სააგენტოს დახურვა დაიწყო

ფიფა 2026 წლის მსოფლიო ჩემპიონატის ფინალის გადადებას ხანძრების გამო გამორიცხავს - Bloomberg

ზელენსკი სირსკის შემცვლელად მუშაობას განიხილავს - FT