პარლამენტის თავმჯდომარე შალვა პაპუაშვილ "ნაციონალური მოძრაობის" ინიციატივას ეხმიანება და აცხადებს, რომ ოპოზიციის ნაწილის რადიკალიზაცია, იწვევს ქვეყანაში არსებულ პოლარიზაციას. 

მისი თქმით, არჩევნები ჩატარდება 2024 წელს და სერიოზული აღარ არის ამ თემებზე კომენტარის გაკეთება, ვინაიდან ოპოზიცია "სეზონის მიხედვით აჟღერებს ამ მოთხოვნებს". 

"როცა ვსაუბრობთ პოლარიზაციის საკითხზე, პრობლემაზე ან გამოწვევაზე, სინამდვილეში ჩვენ საქართველოში გვაქვს არა პოლარიზაცია, არამედ გვაქვს ოპოზიციის ნაწილის რადიკალიზაცია, რაც იწვევს ამ პოლარიზაციას. მთავარი პრობლემაა არის არა პოლარიზაცია და განსხვავებული აზრების დაპირისპირება,არამედ ოპოზიციის ნაწილის რადიკალიზაცია, ის რადიკალური დღის წესრიგი, რომელსაც მიჰყვებიან. ეს გულისხმობს ერთ რამეს, ხელისუფლების არაღიარებას. ეს არის მთავარი გამოწვევა რაც მათ აქვთ. 

არჩევნები ჩატარდება 2024 წელს. სიმართლე გითხრათ, სერიოზულიც აღარ არის ამ თემებზე კომენტარის გაკეთება. არჩევნები ახალი ჩატარებული იყო, ვადამდელს ითხოვდნენ და ამის შემდეგ, შიგადაშიგ სეზონის მიხედვით ეს მოთხოვნები კვლავ ისმის. სამწუხაროდ, ოპოზიციის ეს ნაწილი საკუთარ შეცდომებზე ვერ სწავლობს, რომ არანაირი მხარდაჭერა მათ და ამ მოთხოვნას საზოგადოებისგან არ აქვს. ერთადერთი, რასაც ამით ისინი აღწევენ, არის კიდევ უფრო მეტად მარგინალიზია საზოგადოებაში “,-განაცხადა პაპუაშვილმა.

ცნობისთვის, "ერთიანი ნაციონალური მოძრაობის" თავმჯდომარე, ნიკა მელია აცხადებს, რომ შექმნილი "უმძიმესი პოლიტიკური კრიზისის" განსამუხტად საქართველოში  ვადამდელი არჩევნები უნდა ჩაინიშნოს. მელიამ სამ-პუნქტიანი სტრატეგიული გეგმა წარადგინა, რაც მისი თქმით, ამ მიზნის მისაღწევად დაეხმარება. 

ავტორი: ექსპრესნიუსი,

სოციალური ქსელები

თელავის მუნიციპალიტეტში დენის დარტყმის შედეგად, 56 წლის მამაკაცი დაიღუპა

ვეტერანებმა უკრაინაში მებრძოლი ზაალ ლატარიას შვილის ხსოვნას პატივი მიაგეს

რეჟიმი აპირებს, პუტინის მსგავსად ე.წ ეროვნული იდენტობის დაცვის საბაბით მორიგი რეპრესიული კანონი მიიღოს

კობახიძე - კოლექტიური ნაცმოძრაობა არ უნდა იყოს პოლიტიკური სისტემის ნაწილი, წინააღმდეგ შემთხვევაში პოლიტიკური სისტემა ჯანსაღი ფორმით ვერ განვითარდება