რუსი დამპყრობლები აზოვსტალში როკ კონცერტის გამართვას გეგმავენ,- აღნიშნულის შესახებ ინფორმაციას მარიუპოლის საკრებულო ავრცელებს.

საკრებულოში აღნიშნავენ, რომ ოკუპანტებს არ შეუძლიათ ქვეყნის წყლითა და გათბობით უზრუნველყოფა, მაგრამ კონცერტებს მართავენ ქალაქში, სადაც ნანგრევების ქვეშ ჯერ კიდევ ასობით ადამიანის ცხედარია მოყოლილი.

„რუსი დამპყრობლები აგრძელებენ რეკორდების დამყარებას თავიანთი ცინიზმით. ახლა ისინი აპირებენ როკ კონცერტის ჩატარებას მეტალურგიულ ქარხანაში, სადაც ჩვენი გმირები დაიღუპნენ. რუსები კიდევ ერთხელ ცდილობენ გადაიტანონ მოსახლეობის ყურადღება რეალური პრობლემებისგან", - აღნიშნავენ საკრებულოში.

შეგახსენებთ, რომ მარიუპოლში აზოვსტალის დამცველები გმირულად იცავდნენ ტერიტორიას დაახლოებით ორი თვის განმავლობაში.

16 მაისს უკრაინის შეიარაღებული ძალების გენერალურმა შტაბმა გაავრცელა ინფორმაცია, რომ უმაღლესმა სამხედრო სარდლობამ აზოვსტალში მყოფი ქვედანაყოფების მეთაურებს ბრძანება მისცა, გადაერჩინათ ქარხანაში მყოფთა სიცოცხლე. 

17 მაისის შუაღამის შემდეგ, აზოვსტალის ქარხნის ტერიტორიაზე  გადარჩენის ოპერაცია დაიწყო.

უკრაინის თავდაცვის სამინისტროს ინფორმაციით, 16 მაისს აზოვსტალიდან ოკუპირებულ ნოვოაზოვსკის სამედიცინო დაწესებულებაში 53 მძიმედ დაჭრილი იქნა ევაკუირებული. კიდევ 211 ადამიანი ჰუმანიტარული დერეფნით ოკუპირებულ იელენოვკაში გადაიყვანეს.

შემდგომში მედიაში გავრცელდა ინფორმაცია, რომ აზოვსტალიდან სულ  1,7 ათასი დამცველი იქნა ევაკუირებული. 

29 ივლისის ღამეს ოკუპირებულ იელენოვკაში ყოფილი სასჯელაღსრულების კოლონიის ტერიტორიაზე აფეთქება მოხდა. შედეგად განადგურდა შენობა, რომელშიც აზოვსტალის ქარხნიდან გამოყვანილი უკრაინელი სამხედრო ტყვეები იმყოფებოდნენ. რუსეთმა უკრაინის შეიარაღებული ძალები სასჯელაღსრულების კოლონიის დაბომბვაში დაადანაშაულა.

რუსული მხარის ინფორმაციით, დაიღუპა 50-ზე მეტი უკრაინელი, დაჭრილთა რაოდენობა უცნობია.

უკრაინის სამართალდამცავმა უწყებებმა ელენოვკაში მომხდარ აფეთქებას რუსული ტერორისტული აქტი უწოდეს.

ავტორი: ექსპრესნიუსი,

სოციალური ქსელები

ირანი დათანხმდა გამდიდრებული ურანი ჩინეთში გაიტანოს

ლავროვმა რუბიოს ოფიციალურად აცნობა კიევზე მოსალოდნელი დარტყმების შესახებ

მოსკოვმა საქართველოში "რუსოფობიის მონიტორინგის საბჭო" შექმნა, რომელიც მოქალაქეებს უთვალთვალებს

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა