მარიო დრაგიმ დაადასტურა იტალიის პრემიერ-მინისტრის თანამდებობიდან გადადგომა მას შემდეგ, რაც მისი ფართო კოალიციის გადარჩენის მცდელობა ჩაიშალა - სამმა მთავარმა პარტიამ  ნდობის კენჭისყრას ბოიკოტი გამოუცხადა.

იტალიის პრეზიდენტმა სერჯო მატარელამ დრაგის გადადგომას ხელი მოაწერა. ამ მოვლენამ გზა გაუხსნა ვადამდელი არჩევნებს, რომელიც შეიძლება სექტემბრის ბოლოს ჩატარდეს.

საზოგადოების დიდი მხარდაჭერით, ევროპის ცენტრალური ბანკის ყოფილმა დირექტორმა სცადა გაეგრძელებინა თავისი მმართველობა იმ პირობით, რომ მისი ალიანსი „აღადგენდა ნდობის პაქტს“.

პოლიტიკური კრიზისი გასულ კვირას მას შემდეგ დაიწყო, რაც სენატში კენჭისყრას სამთავრობო კოალიციის სამი მნიშვნელოვანი პარტია – მატეო სალვინის მემარჯვენე კონსერვატიული პარტია ჩრდილოეთის ლიგა (Lega Nord), სილვიო ბერლუსკონის ცენტრისტულ მემარჯვენე პარტია წინ იტალია (Forza Italia) და ჯუზეპე კონტეს პოპულისტური პარტია ხუთი ვარსკვლავის მოძრაობა (Movimento 5 Stelle) გაემიჯნა.

M5S-მა ბოიკოტი გამოუცხადა კენჭისყრას 26 მილიარდი ევროს (22 მილიარდი ფუნტის პაკეტის) შესახებ, რომელიც შექმნილია იტალიელებისთვის ინფლაციისა და ენერგიის ხარჯების დაძლევის მიზნით, იმის მტკიცებით, რომ ეს არასაკმარისი იყო. მხარე ასევე უკმაყოფილო იყო იმით, რომ პაკეტი შეიცავს დებულებას რომში ნარჩენების დაწვის უზარმაზარი ქარხნის აშენების შესახებ.

დრაგიმ გადადგომა  გადაწყვიტა მიუხედავად იმისა, რომ მას თანამდებობაზე დარჩენისკენ   მსოფლიო ლიდერებმა მოუწოდეს, რომლებიც მას ფუნდამენტურად მიიჩნევენ არა მხოლოდ იტალიაში სტაბილურობის უზრუნველსაყოფად, არამედ როგორც პარტნიორად რუსეთის ომის გამოწვევების წინაშე უკრაინაში.

მისი წასვლა, სავარაუდოდ, გამოიწვევს ვადამდელ არჩევნებს, რომელიც შეიძლება ჩატარდეს 25 სექტემბერს ან 2 ოქტომბერს. შესაძლებელია, რომ მატარელამ დრაგის სთხოვოს პრემიერ-მინისტრის მოვალეობის შემსრულებელი დარჩეს არჩევნების შემდეგ ახალი მთავრობის ჩამოყალიბებამდე.

ბოლო გამოკითხვებმა აჩვენა, რომ ვადამდელი არჩევნების ჩატარების შემთხვევაში, კოალიციამ, რომელსაც ხელმძღვანელობენ იტალიის ულტრამემარჯვენე პარტიები ლიგასა და Forza Italia-ს ჩათვლით, შეიძლება უმრავლესობა მოიპოვოს.

ავტორი: ექსპრესნიუსი,

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს