რუსული მხარის მიერ  ქალაქ ვინიცაზე განხორციელებული თავდასხმის შემდეგ, უკრაინაში აშშ-ს საელჩო მოქალაქეებს მოუწოდებს ქვეყანა დაუყოვნებლივ დატოვონ.

განცხადების თანახმად, ქვეყანაში უსაფრთხოების კუთხით ვითარება ძალიან არასტაბილურია და შეიძლება მოულოდნელად გაუარესდეს.

„უსაფრთხოების ვითარება მთელს უკრაინაში კვლავ სასტიკი და არაპროგნოზირებადია რუსეთის მხრიდან განხორციელებული სამხედრო თავდასხმების, ქვეყანაში აქტიური საომარი მოქმედებების და უსაფრთხოების გაურკვეველი პირობების გამო. აშშ-ს საელჩო მოუწოდებს აშშ-ის მოქალაქეებს, არ შევიდნენ უკრაინაში, ხოლო უკრაინაში მყოფმა პირებ სმაასწრაფოდ დატოვონ კერძო მანქანების გამოყენებით ან სახმელეთო ტრანსპორტით, თუ ეს უსაფრთხოა“, - ნათქვამია საელჩოს განცხადებაში.

შეგახსენებთ, რომ ხუთშაბათს, დაახლოებით 11:00 საათზე რუსეთის ჯარებმა რაკეტა  ესროლა ვინიცას ცენტრს . წინასწარი მონაცემებით, სამი რუსული რაკეტა შენობის საოფისე ფართს მოხვდა. აფეთქების შედეგად ასევე დაზიანდა ოფიცერთა სახლი და მიმდებარე საცხოვრებელი კორპუსები.ცეცხლი ავტოსადგომზე გავრცელდა 50-მდე მანქანას გაუჩნდა. უკრაინის პრეზიდენტმა ვოლოდიმირ ზელენსკიმ სარაკეტო თავდასხმას ტერორისტული თავდასხმა უწოდა. 23 გარდაცვლილის შესახებ ცნობილია , ასამდე ადამიანი საავადმყოფოებშია.

ევროკავშირის ელჩმა უკრაინაში მატი მაასიკასმა ვინიცაზე რუსეთის სარაკეტო თავდასხმის შემდეგ განაცხადა, რომ რუსების დანაშაულები გამოიძიებენ და დამნაშავეები პასუხს აგებენ.

აშშ-ს ელჩმა ბრიჯიტ ბრინკმა უწოდა თავდასხმა "კიდევ ერთი საშინელი თავდასხმა, რომელმაც შეიწირა უდანაშაულო მშვიდობიანი მოქალაქეების სიცოცხლე".

ევროპარლამენტის წევრმა ლიტველმა პეტრას აუშტრევიჩიუსმა ვინიცაზე რუსების თავდასხმას სახელმწიფო ტერორისტული აქტი უწოდა.

ავტორი: ექსპრესნიუსი,

სოციალური ქსელები

ფოდოროვი - უკრაინა მიიღებს შორ მანძილზე მოქმედ არტილერიას, ფრთოსან რაკეტებს და დრონების მხარდაჭერას

ევროკავშირის ლიდერები შეთანხმდნენ, რომ რუსეთის წინააღმდეგ სანქციები ორჯერ გაახანგრძლივონ

ბულგარეთის პრორუსულმა პრემიერ-მინისტრმა პირობა დადო, რომ ვეტოს დაადებს ევროკავშირის ახალ სანქციების პაკეტს რუსეთის წინააღმდეგ.

აშშ-ის საზღვაო ძალებმა ირანის საზღვაო ბლოკადა დაასრულეს