გერმანიის კანცლერმა ოლაფ შოლცმა პირობა დადო, რომ გერმანული იარაღი, რომელსაც უკრაინა ითხოვდა რუსეთის ძალებთან ბრძოლისთვის, დროულად მიეწოდება. ამის შესახებ კანცლერმა გერმანულ სააგენტო dpa-თან ინტერვიუში განაცხადა.

კითხვაზე, მოვა თუ არა მძიმე შეიარაღება დროულად დონბასში ცვლილებების შეტანის მიზნით, შოლცმა უპასუხა: „ეს დროზე მოვა“.

„თქვენ იცით, რომ უკვე არის მომხმარებელთა გრძელი სია, რომლებიც ელოდებიან მათ მიღებას ორ და სამ წელიწადში,” - თქვა მან, რაც იმას ნიშნავს, რომ მიწოდების პროტოკოლი უნდა შეიცვალოს, რათა უკრაინამ უფრო სწრაფად მიიღოს იარაღი.

ამასთან, შოლცმა განმარტა, რომ მძიმე იარაღის მიწოდება უკრაინისთვის განხორციელდება მხოლოდ მას შემდეგ, რაც უკრაინის შეიარაღებული ძალები შესაბამის სამხედრო წვრთნებს გაივლიან, წვრთნის გარეშე ამ იარაღს "ვერ გამოიყენებენ".

„ჩვენ მივცემთ ანტიბალისტიკურ სისტემას, რომელსაც შეუძლია გადაარჩინოს ოდესა ან კიევი. ასევე გადავწყვიტეთ დიდ ბრიტანეთთან და შეერთებულ შტატებთან ერთად, რომ მიგვეწოდება რამდენიმე სარაკეტო გამშვები მოწყობილობა“,- დასძინა კანცლერმა.

შეგახსენებთ, რომ დღეს 16 ივნისს კიევში გერმანიის კანცლერი ოლაფ შოლცი, საფრანგეთის პრეზიდენტი ემანუელ მაკრონი და იტალიის პრემიერ მინისტრი მარიო დრაგი ჩავიდნენ უკრაინის პრეზიდენტ ვოლოდიმირ ზელენსკისთან რამდენიმე მნიშვნელოვანი საკითხის განსახილველად.

ავტორი: ექსპრესნიუსი,

სოციალური ქსელები

მარკო რუბიო სომხეთში ჩავიდა

მაკა ბოჭორიშვილს უმაღლესი დიპლომატიური რანგი მიენიჭება - დანამატის სახით მიიღებს ₾1 360-ს

Euractiv: ევროკავშირს სურს მოლაპარაკებების დაწყება უკრაინის 18 ივნისის სამიტში ჩართვასთან დაკავშირებით.

გვარამია: ხალხისთვის ხელის შეშლას არ ვაპირებთ, როცა დაიშლებიან, მოვახდენთ სცენის მონტაჟს