უკრაინის წინააღმდეგობა აღმოსავლეთში მთლიანად დამოკიდებულია მძიმე იარაღის მიწოდებაზე. ამის შესახებ ჰააგაში ნატოს გენერალურმა მდივანმა იენს სტოლტენბერგმა ნიდერლანდების, ბელგიის, დანიის, პოლონეთის, რუმინეთის, პორტუგალიისა და ლატვიის მთავრობის მეთაურებთან შეხვედრის შემდეგ განაცხადა. ალიანსის ხელმძღვანელმა განაცხადა, რომ თვის ბოლოს, მადრიდში, ნატოს სამიტზე, ალიანსის თავდაცვისუნარიანობის გასაძლიერებლად ღონისძიებები გატარდება.

"დღეს ჩვენ განვიხილეთ ჩვენი წინსვლის გაზრდის აუცილებლობა, ჩვენ უნდა გავაძლიეროთ ჩვენი საბრძოლო შესაძლებლობები, განვათავსოთ კიდევ უფრო მეტი სამხედრო ტექნიკა. ასევე განვიხილეთ ნატოს თანადაფინანსების საკითხები, უნდა გავზარდოთ ინვესტიციები. - განაცხადა იენს სტოლტენბერგმა

თავის გამოსვლაში პოლონეთის პრემიერ-მინისტრმა მატეუშ მორავიეცკიმ განაცხადა, რომ დასავლეთი „საკმარისს არ აკეთებს“ უკრაინის მხარდასაჭერად.

"გთხოვთ, მიაწოდოთ კიევი იარაღითა და საარტილერიო სისტემებით. უკრაინელებს ეს სჭირდებათ თავიანთი ქვეყნის დასაცავად, ტერიტორიული მთლიანობისა და სუვერენიტეტის დასაცავად. თუ უკრაინა ომში წააგებს, ჩვენი სანდოობა შეირყევა. შესაძლებელია თუ არა წარმოვიდგინოთ, რომ უკრაინა დამარცხებულია და ჩვენ უბრალოდ ვუბრუნდებით ნორმალურ საქმეს? იმედი მაქვს არა." - აღნიშნა მატეუშ მორავიეცკიმ

ერთი დღით ადრე საფრანგეთის პრეზიდენტი ემანუელ მაკრონი ჩავიდა რუმინეთში, სადაც ფრანგ სამხედროებს ესაუბრა კონსტანტას პორტთან მდებარე საჰაერო ბაზაზე. 24 თებერვალს რუსეთის შემოსევის შემდეგ პარიზმა რუმინეთში 500 ჯარისკაცი გადაიყვანა, გააძლიერა კონტიგენტები სხვა ქვეყნებში, ასევე ხმელთაშუა ზღვაში.

ავტორი: ექსპრესნიუსი,

სოციალური ქსელები

გერმანიის ელჩი: 26 მაისი სიმბოლურად გამოხატავს საქართველოს სწრაფვას თავისუფლებისა და დემოკრატიისკენ

სვეტლანა ტიხანოვსკაია- ბელარუსებსა და ქართველებს ერთი და იგივე ხედვა აქვთ: იცხოვრონ როგორც თავისუფალმა, სუვერენულმა ევროპულმა ერებმა

დამოუკიდებლობის დღესთან დაკავშირებით საქართველო მისალოც წერილებს იღებს - განახლებადი

პაპუაშვილი: ზოგიერთს დღესაც სურს, არ ვიდგეთ ფეხზე, მათ წესებს მივყვეთ, საკუთარზე უარი ვთქვათ