ზაპოროჟიეს რაიონში დაღუპული სამხედროების ცხედრების მორიგი გაცვლა მოხდა. უკრაინამ „აზოვსტალის“ 64 დაღუპული დამცველი დააბრუნა. ამის შესახებ ინფორმაციას უკრაინის დროებით ოკუპირებული ტერიტორიების რეინტეგრაციის სამინისტრო ავრცელებს.

დეპარტამენტის ცნობით, შეთანხმება მიღწეული იქნა მოლაპარაკებების შედეგად, რომელშიც მონაწილეობდა უგზო-უკვლოდ დაკარგულთა კომისარი, ოლეგ კოტენკო.

„ოპერაცია რეინტეგრაციის სამინისტროს, თავდაცვის სამინისტროს მთავარი სადაზვერვო სამმართველოს, უკრაინის უშიშროების სამსახურის, უკრაინის შეიარაღებული ძალების გენერალური შტაბის და უკრაინის სხვა სამართალდამცავი უწყებების თანამშრომლობით განხორციელდა.

ახლა დაღუპული უკრაინელი ჯარისკაცების ცხედრების დაბრუნების პროცესი გრძელდება და მიმდინარეობს ჟენევის კონვენციის ნორმების შესაბამისად“,- აღნიშნულია სამინისტროს განცხადებაში.

შეგახსენებთ, რომ პირველი გაცვლის დროს შესაძლებელი გახდა მარიუპოლის „აზოვსტალის“ ქარხანაში დაღუპული 160 ადამიანის დაბრუნება. აქედან 52 დაღუპული აზოვის პოლკის მებრძოლია.

ავტორი: ექსპრესნიუსი,

სოციალური ქსელები

მარკო რუბიო სომხეთში ჩავიდა

მაკა ბოჭორიშვილს უმაღლესი დიპლომატიური რანგი მიენიჭება - დანამატის სახით მიიღებს ₾1 360-ს

Euractiv: ევროკავშირს სურს მოლაპარაკებების დაწყება უკრაინის 18 ივნისის სამიტში ჩართვასთან დაკავშირებით.

გვარამია: ხალხისთვის ხელის შეშლას არ ვაპირებთ, როცა დაიშლებიან, მოვახდენთ სცენის მონტაჟს