რუსეთის ფედერაცია არღვევს ომის ყველა ჩვეულებასა და ტრადიციას უკრაინაში ახალი იარაღის გამოცდით, - ამის შესახებ უკრაინის თავდაცვის მინისტრის მოადგილემ ანა მალიარმა ადგილობრივ მედიასთან საუბრისას განაცხადა.

მისი თქმით, ოკუპანტები უკრაინაში საერთაშორისო ნორმებით აკრძალულ იარაღების ფართო სპექტრს იყენებენ.

"უფრო მეტიც, მათ აქვთ გარკვეული იარაღი ტესტირებაში, კვლევაში. ისინი რეალურად იყენებენ ამ ომს იარაღის ახალი მოდელების შესამოწმებლად და ეს ყველაფერი გამოიყენება აქ. ზოგიერთი იარაღი აქ "წარმატებით" არის გამოცდილი, ზოგიერთი მოდელი უკიდურესად გაბერილია თავისი ხარისხობრივი მახასიათებლებით. სამწუხაროდ, რუსეთი არღვევს ომის ყველა ნორმას და ჩვეულებას, ებრძვის უკრაინას“, - განაცხადა მალიარმა.

თავდაცვის სამინისტროს უფროსის მოადგილემ აღნიშნა, რომ რუსული არმია პერსონალითა და იარაღით „ბევრჯერ“ აღემატება უკრაინის არმიას. უკრაინას სჭირდება იარაღი პარიტეტული პასუხისთვის.

მანამდე სამხედრო და პოლიტიკური კვლევების ცენტრის ხელმძღვანელმა ალექსანდრე მუსიენკომ განაცხადა, რომ უკრაინაში სრულმასშტაბიანი  სამხედრო შეჭრის  ფონზე, რუსეთი იყენებს ყველა სახის იარაღს, რაც მის არსენალშია. აკრძალულ იარაღს აქტიურად იყენებს ოკუპანტი ქვეყანაც  .

ავტორი: ექსპრესნიუსი,

სოციალური ქსელები

ნინო ლომჯარია TV იმედს სასამართლოში უჩივის

ზურაბიშვილი: ელენე ხოშტარიას, სასწრაფო სასიცოცხლოდ მნიშვნელოვანი სამედიცინო დახმარება სჭირდება

ბოკუჩავა: რა თქმა უნდა, ვრჩები ნაციონალურ მოძრაობაში, ვიბრძოლებ ბოლომდე!

გვარამიას თქმით, მოსამართლემ არ დააკმაყოფილა ხოშტარიას მდგომარეობის შესწავლის შუამდგომლობა