2022-06-07 22:10:21, 1604 ნახვა
ომი უკრაინაში
მორავიეცკი - უკრაინისთვის იარაღის მიყიდვაზე ერთ-ერთ ყველაზე დიდ კონტრაქტს ვაფორმებთ
უკრაინისთვის იარაღის მიყიდვაზე ერთ-ერთ ყველაზე დიდ კონტრაქტს ვაფორმებთ. - განაცხადა პოლონეთის პრემიერმინისტრმა მატეუშ მორავიეცკმა.
მისივე თქმით, ეს არის უმნიშვნელოვანესი ნაბიჯი უკრაინელებისთვის.
"ჩვენ ვაფორმებთ იარაღის ექსპორტის ერთ-ერთ ყველაზე დიდ კონტრაქტს ბოლო 30 წლის განმავლობაში. ეს არის იარაღის მიყიდვა უკრაინელებისთვის". - განაცხადა მორავიეცკმა.
შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.
ავტორი: ექსპრესნიუსი,
epn.ge (@expressnews.ge)
