2022-06-07 12:31:19, 1271 ნახვა

---

სერბეთის პრეზიდენტი - რუსული ნავთობის იმპორტზე დაწესებული ემბარგო წელიწადში 600 მილიონი დოლარი დაგვიჯდება

ევროკავშირის მიერ რუსულ ნავთობის იმპორტზე დაწესებული ემბარგო სერბეთს  წელიწადში 600 მილიონი დოლარი დაუჯდება,- განაცხადა სერბეთის პრეზიდენტმა ალექსანდრ  ვუჩიჩმა.

ვუჩიჩმა მწუხარება გამოთქვა იმის გამო, რომ სერბეთის მეზობლმა ქვეყნებმა  რუსეთის საგარეო საქმეთა მინისტრს, სერგეი ლავროვს საჰაერო სივრცე ჩაუკეტეს და ბელგრადში ჩასვლის შესაძლებლობა არ მისცეს, რის გამოც ლავროვმა ვიზიტი გააუქმა. მისი თქმით, სერბეთი რუსეთის უკრაინაში შეჭრას გმობს, თუმცა, ამავდროულად, "რუსეთი სერბეთის ტრადიციული მეგობარია".

"რუსულ ნავთობზე დაწესებული სანქციებით, მათ ჩვენი ჯიბიდან 600 მილიონი დოლარი გააქრეს . 600 მილიონი დოლარი - უშუალოდ სერბეთის მოქალაქეების ჯიბიდან, წლიურად. სერბმა ხალხმა ეს უნდა იცოდეს. ერაყიდან იმპორტირებული  ნავთობი,31 დოლარით უფრო ძვირი ჯდება. მათ ჩვენგან 600 მილიონი აიღეს, ჩვენ კი გაზისთვის დამატებითი თანხის ინვესტირებაც გვიწევს". - განაცხადა ვუჩიჩმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი