ევროკავშირი უკვე მუშაობს რუსეთის წინააღმდეგ სანქციების ახალ, მეშვიდე პაკეტზე. ამის შესახებ პოლონეთის საგარეო საქმეთა მინისტრის მოადგილემ, პაველ იაბლონსკიმ პოლონეთის პრესის სააგენტოსთან ინტერვიუში განაცხადა, საიდანაც ამონარიდებს Dziennik აქვეყნებს.

იაბლონსკის თქმით, სანქციები უნდა გამკაცრდეს „გაზის კუთხით, რომელიც რუსეთს ჯერ კიდევ შეუძლია გაყიდოს, რუსული ბანკების SWIFT-ისგან, პირველ რიგში, გაზპრომბანკიდან გათიშვის თვალსაზრისით“.

ასევე, მისი თქმით, აუცილებელია მრეწველობისთვის ტექნოლოგიების მიწოდებისა და გამოყენების აკრძალვა და რუსული აქტივების არა მხოლოდ გაყინვა, არამედ მათი კონფისკაცია. „ამ ყველაფერზე მუშაობა უკვე მიმდინარეობს“, - განაცხადა პოლონეთის საგარეო საქმეთა მინისტრის მოადგილემ.

ევროკავშირმა სანქციების მეექვსე პაკეტი 3 ივნისს მიიღო. ეს, კერძოდ, ითვალისწინებს რუსული ნავთობის იმპორტის აკრძალვას, გარდა ევროკავშირში მილსადენებით. ევროკავშირის წევრი ქვეყნები რამდენიმე კვირის განმავლობაში ვერ შეთანხმდნენ ნავთობის ემბარგოზე. მანამდე ევროკავშირის რამდენიმე ქვეყნის, მათ შორის გერმანიის წარმომადგენლებმა განაცხადეს, რომ ამ დროისთვის შეუძლებელია რუსული გაზის იმპორტის აკრძალვა, მაგრამ თანდათან მასზე დამოკიდებულება შემცირდება.

ავტორი: ექსპრესნიუსი,

სოციალური ქსელები

მარკო რუბიო სომხეთში ჩავიდა

მაკა ბოჭორიშვილს უმაღლესი დიპლომატიური რანგი მიენიჭება - დანამატის სახით მიიღებს ₾1 360-ს

Euractiv: ევროკავშირს სურს მოლაპარაკებების დაწყება უკრაინის 18 ივნისის სამიტში ჩართვასთან დაკავშირებით.

გვარამია: ხალხისთვის ხელის შეშლას არ ვაპირებთ, როცა დაიშლებიან, მოვახდენთ სცენის მონტაჟს