ბათუმში ავტომობილი პუტინის ომის, Z-სიმბოლოებით გადაადგილდება. 

Z სამხედრო მონიშვნიდან უკრაინაში შეჭრის მომხრეების გამაერთიანებელ სიმბოლოდ იქცა. უკრაინაში აგრესიის დაწყებიდან სულ რაღაც სამი დღის შემდეგ კრემლისგან დაფინანსებულმა RT-მ საკუთარი არხებით გამოაცხადა, რომ რუსი ჯარისკაცების მხარდასაჭერად Z-იანი მაისურებისა და ჰუდების გაყიდვას იწყებდა. მას შემდეგ Z სიმბოლომ ფართო საზოგადოებრივი დატვირთვა შეიძინა: მას ნახავთ ფლეშმობებში, პროპაგანდისტულ ვიდეოებში, ქუჩის რეკლამებსა და უზარმაზარ კორპუსებზე.

სიმბოლომ რუსეთის საზღვრებს გარეთაც გააღწია. რამდენიმე დღის წინ პრორუსმა სერბებმა მოსკოვის მხარდასაჭერად ბელგრადში მარშით ჩაიარეს: ისინი რუსულ დროშებს აფრიალებდნენ და Z ასოებიან სიმბოლიკას იყენებდნენ.

ამ პროპაგანდისტული აგონიის განსაკუთრებით შემზარავ ეტაპს წარმოადგენდა ყაზანში მომხდარი ინციდენტი, როდესაც სიმსივინით დაავადებული ბავშვთა ჰოსპისის ბენეფიციარები დაწესებულების ხელმძღვანელებმა ასო Z-ის ფორმით დაამწკრივეს და ამ ფლეშმობის ფოტოები სოციალურ ქსელში ატვირთეს. 

მალევე ამ სიმბოლოს გამოსახულებიანი ტანსაცმელით დაიტვირთა რუსეთის უმსხვილესი ტანსაცმლის ონლაინ მაღაზიები. ამ სიმბოლოს გამოსახულებიანი ტექნიკით გამოჩდნენ წამყვანი რუსი პროპაგანდისტები. 

პროპაგანდისტული აგონიის გაღვივების გარდა ეს სიმბოლო ომის მოწინააღმდეგეების შესაშინებლადაც გამოიყენება. მაგალითად უფლედამცველი ორგანიზაციის მემორიალის ოფისში მისული პოლიციელების მიერ დატოვებულ უწყებაზე სწორედ ეს სიმბოლო იყო გამოსახული, რასაც მუქარის შემცველი ტექსტი მოსდევდა. 

სწორედ ეს სიმბოლო მიახატეს ომის მოწინააღმდეგე ორი საჯარო პირის, კინოკრიტიკოსს, ანტონ დოლინის და Pussy Riot-ის ერთ-ერთი წევრის რიტა ფლორესის სახლის კარზეც. 

29 აპრილს კოსმოსში გაშვებული Z სიმბოლოთი მოხატული რუსული სამხედრო თანამგზავრი კოსმოს-2555 18 მაისის დილას ატმოსფეროში დაიწვა.

გაშვების შემდეგ თავდაცვის სამინისტრომ თანამგზავრის ორბიტაზე გასვლა და კავშირის დამყარება დაადასტურა. თუმცა გამოცემა Insider-ის ცნობით თანამგზავრი არ გამოდიოდა კავშირზე და ორბიტაზე ვერ გავიდა. მისი ტრაექტორიის კორექტირების მცდელობები უშედეგოდ დასრულდა.

ბელარუსულმა როკ ბენდმა БИ-2 ომსკში კონცერტის ჩატარებაზე უარი თქვა. მუსიკოსებმა არ მოინდომეს იმ დარბაზში გამოსვლა, რომელშიც Z სიმბოლიკა იყო წარმოდგენილი.

მუსიკოსების თქმით ადმინისტრაციამ უარი თქვა მოეშორებინათ დიდი ზომის ბანერი წარწერით Zа Президента. უარის მიღების შემდეგ ორგანიზატორებმა ბანერი შავი ნაჭრით გადაფარეს, თუმცა ადმინისტრაციამ ბენდის ეს ქმედებაც გააპროტესტა. საბოლოო ჯგუფმა კონცერტი გააუქმა. 

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს