2022-05-21 14:00:16, 1207 ნახვა

---

ჯონსონმა ერდოღანთან სატელეფონო საუბრის დროს აღნიშნა, რომ ფინეთი და შვედეთი NATO-სთვის ღირებული მოკავშირეები იქნებიან

ერდოღანთან გაერთიანებულ სამეფოსა და თურქეთს შორის თანამშრომლობისა და NATO-ს სამხედრო ალიანსის გაფართოების საკითხებზე ვისაუბრეთ. - განაცხადა ბრიტანეთის პრემიერ-მინისტრმა ბორის ჯონსონმა.

მისივე თქმით, ფინეთი და შვედეთი NATO-სთვის ღირებული მოკავშირეები იქნებიან. 

" ფინეთი და შვედეთი NATO-ს ალიანსისთვის ღირებული მოკავშირეები იქნებიან, მნიშვნელოვანი აქცენტი დაესვა ნატოს გაფართოებაზე, რათა თურქეთის მთავრობამ შვედ და ფინელ კოლეგებთან ერთად აქტიური მუშაობა დაიწყოს და ივნისში მადრიდის სამიტის წინ არსებული დაძაბულობა გადალახოს". - ნათქვამია განცხადებაში.

შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი