ბათუმის ტექნოპარკში, საქართველოს ინოვაციების და ტექნოლოგიების სააგენტოს, ბათუმის მუნიციპალიტეტსა და საქართველოში გაეროს განვითარების პროგრამას (UNDP) შორის სამმხრივი შეთანხმება გაფორმდა. მხარეები  აფიქსირებენ მზაობას, ითანამშრომლონ საერთო ინტერესის სფეროში და ხელი შეუწყონ სტარტაპ და ინოვაციების ეკოსისტემის განვითარებას ბათუმის მუნიციპალიტეტში. ამ მიზნით ხელმომწერები მზად არიან შეთანხმებულად იმოქმედონ, განავითარონ შესაძლებლობები და უზრუნველყონ არსებული რესურსები საკუთარი მანდატის ფარგლებში.

აღნიშნული პარტნიორობა წარმოიშვა EU-UNDP-ის ინიციატივის „მერები ეკონომიკური ზრდისთვის“ ფარგლებში, რომელიც ინოვაციური და სისტემური მიდგომების ტესტირებით ინკლუზიური ეკონომიკური ზრდის და სამუშაო ადგილების ხელშესაწყობად შემუშავდა. ბათუმის მუნიციპალიტეტი კონკურსის წესით შეირჩა პორტფელის შემუშავების პროცესში მონაწილეობის მისაღებად.

მუნიციპალური გარდაქმნის პორტფელი მოიზიდავს რესურსებს და ახალ პარტნიორებს, შეიმუშავებს პოლიტიკასა და განავითარებს შემდგომ ნაბიჯებს, ტრანსფორმაციული ინტერვენციის ფარგლებში ბათუმში სტარტაპ და ინოვაციური ეკოსისტემის ჩამოსაყალიბებლად. 

ხელმომწერები მომავალშიც რეგულარულად გააგრძელებენ კონსულტაციებს და დაგეგმავენ ღონისძიებებს, რათა ხელი შეუწყონ სტარტაპ ეკოსისტემის განვითარებას ბათუმში.

ავტორი: NS (სტატია დაფინანსებულია),

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს