გარემოს დაცვისა და სოფლის მეურნეობის მინისტრის მოადგილე ნინო თანდილაშვილი ავსტრიის საელჩოს ახალი შენობის გახსნის ოფიციალურ ცერემონიას დაესწრო. ამის შესახებ ინფორმაციას გარემოს დაცვის სამინისტრო ავრცელებს.

 უწყების ცნობით,ღონისძიების ფარგლებში, ავსტრიის რესპუბლიკის ელჩმა საქართველოში, თომას მიულმანმა ნინო თანდილაშვილს  ავსტრიის ჩარჩო-სტრატეგია „ევროკავშირის აღმოსავლეთ პარტნიორ ქვეყნებთან განვითარების სფეროში თანამშრომლობისთვის“ გადასცა. დოკუმენტი მოიცავს ავსტრიის განვითარების სააგენტოს (ADA) ახალ პროგრამას, რომელიც საქართველოს დახმარებას სოფლისა და სოფლის მეურნეობის განვითარების მიმართულებით ითვალისწინებს.

 „საქართველოსთვის სოფლისა და სოფლის მეურნეობის განვითარება პრიორიტეტული მიმართულებაა, რაც ჩვენი საერთაშორისო პარტნიორების მხრიდან გამოხატული მნიშვნელოვანი მხარდაჭერითაც დასტურდება. მომდევნო წლების განმავლობაში, ავსტრიის განვითარების სააგენტოსთან ერთად, ამ მიმართულებით ერთობლივ პროექტებს განვახორციელებთ. ძირითადი აქცენტი მაღალმთიან რეგიონებში სოფლის განვითარების პროგრამების ხელშეწყობაზე გაკეთდება“, - აღნიშნა ნინო თანდილაშვილმა.

საელჩოს გახსნის ცერემონიას საქართველოს საგარეო საქმეთა მინისტრის მოადგილე თეიმურაზ ჯანჯალია, ავსტრიის განვითარების სააგენტოს (ADA) მმართველი დირექტორი ფრიდრიხ შტიფტი,  საქართველოში აკრედიტებული დიპლომატიური კორპუსის, სახელმწიფო და კერძო სექტორის წარმომადგენლები ესწრებოდნენ. 

ავტორი: NS (სტატია დაფინანსებულია),

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს