აჭარის მთავრობა ხანძრისა და სტიქიით დაზარალებულ 50 ოჯახს დაეხმარება. - ამის შესახებ ინფორმაციას აჭარის ჯანდაცვის სამინიატრო ავრცელებს.

მათივე თქმით, საკითხი შერეული სამთავრობო კომისიის სხდომაზე განიხილეს. სხდომას აჭარის ჯანმრთელობისა და სოციალური დაცვის მინისტრი, ნინო ნიჟარაძე ხელმძღვანელობდა. 

სხდომაზე განიხილეს  ბათუმის, ქობულეთის, ხელვაჩაურის, ქედისა და ხულოს მუნიციპალიტეტებში ხანძრითა და სტიქიით დაზარალებული 50 ოჯახის ფინანსური დახმარების საკითხი. კომისიის რეკომენდაციით, აჭარის მთავრობის სარეზერვო ფონდიდან 479 737 ლარი გამოიყოფა.

„შერეული კომიის მორიგ სხდომაზე, წევრებთან ერთად ხანძრისა და სტიქიის შედეგად დაზარალებული ოჯახების ფინანსური დახმარების საკითხი განვიხილეთ. კომისიის რეკომენდაცია უახლოეს დღეებში გადაეგზავნება მთავრობის თავმჯდომარეს. დახმარებას 50 ოჯახი მიიღებს - განაცხადა მინისტრმა, ნინო ნიჟარაძემ. 

ფინანსურ დახმარებას მიიღებს:
▪ ქ. ბათუმის მუნიციპალიტეტში ხანძრის შედეგად დაზიანებული  10 საცხოვრებელი სახლის მშენებლობა/აღდგენისათვის;   
▪ ქობულეთის მუნიციპალიტში სტიქიის შედეგად (ძლიერი ქარი,  დიდთოვლობა, გეოლოგიური პროცესი) დაზიანებული 19 სახლის (მათ შორის 2 კორპუსის სახურავის აღდგენა) მშენებლობა/აღდგენისათვის;
▪ ხელვაჩაურის მუნიციპალიტში  ხანძრის  შედეგად დაზიანებული 1 და  სტიქიის (გეოლოგიური პროცესები, ძლიერი ქარი) შედეგად დაზიანებული 9 სახლის მშენებლობა/აღდგენისათვის;   
▪ ქედის მუნიციპალიტეტში ხანძრის  შედეგად დაზიანებული 1 და  სტიქიის (გეოლოგიური პროცესები) შედეგად დაზიანებული 4 სახლის მშენებლობა/აღდგენისათვის;   
▪ ხულოს მუნიციპალიტეტში ხანძრის შედეგად განადგურებული 1 სახლის მშენებლობისათვის.

ავტორი: NS (სტატია დაფინანსებულია),

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს