ფინეთმა და შვედეთმა ნატოში გაწევრიანებაზე განაცხადი ალიანსის შტაბ-ბინაში შეიტანეს.

ოფიციალური პასუხი რამდენიმე კვირაშია მოსალოდნელი.

წესების მიხედვით, ახალი წევრის ბლოკში გასაწევრიანებლად აუცილებელია ყველა მოკავშირის ერთსულოვანი თანხმობა.

დადებითი გადაწყვეტილების მიღების შემთხვევაში, რატიფიკაციის პროცედურა, დიპლომატების თქმით, შესაძლოა, დაახლოებით ერთი წელი გაგრძელდეს.

მანამდე ფინეთის პარლამენტმა მხარი დაუჭირა ქვეყნის ჩრდილოატლანტიკურ ალიანსში შესვლას. ფინელმა პარლამენტარებმა მსგავს გადაწყვეტილებას თითქმის ერთხმად დაუჭირეს მხარი. 200 ხმიდან 188-მა მხარი დაუჭირა ფინეთის განცხადებას ნატო-ში გაწევრიანების შესახებ.

თურქეთი ფინეთისა და შვედეთის ნატოში შესვლას ეწინააღმდეგებოდა ქურთისტანის მუშათა პარტიის მხარდაჭერის გამო - ანკარა მას ტერორისტულ ორგანიზაციად მიიჩნევს.

თავის მხრივ, ნატო-ს გენერალურმა მდივანმა სტოლტენბერგმა გამოაცხადა ფინეთისა და შვედეთის ალიანსში შესვლის თაობაზე თურქეთთან კომპრომისის სწრაფი პოვნის შესაძლებლობა და აღნიშნა, რომ ანკარა არ აპირებს პროცესის დაბლოკვას.

ავტორი: ექსპრესნიუსი,

სოციალური ქსელები

ბაზისბანკი, Nasdaq Calypso-სა და ეროვნული ბანკის პარტნიორობის ფარგლებში, სახაზინო ინფრასტრუქტურის ისტორიულ ტრანსფორმაციას იწყებს

4 მონაწილე, 4 მედალი - საქართველოს ნაკრების წარმატება ცენტრალური ევროპის AI ოლიმპიადაზე

PLUS ქულები მხოლოდ საქართველოს ბანკის ტერმინალზე გროვდება

Euromoney-ს გამოცემამ საქართველოს ბანკი ESG მიმართულებით საუკეთესო ბანკად დაასახელა საქართველოში