2022-05-16 10:19:53, 1774 ნახვა
ომი უკრაინაში
ზელენსკი - რუსული მხარის მიერ დროებით ოკუპირებულ რეგიონებში, ადრე თუ გვიან, უკრაინის დროშა აღიმართება
უკრაინის პრეზიდენტმა ვოლოდიმირ ზელენსკიმ განაცხადა, რომ რუსული მხარის მიერ დროებით ოკუპირებულ რეგიონებში ადრე თუ გვიან უკრაინის დროშა აღიმართება.
პრეზიდენტის თქმით, აუცილებლად დადგება მომენტი, როდესაც უკრაინელი ხალხი აიძულებს რუს დამპყრობლებს სრულად აღიარონ რეალობა.
"ოკუპანტებს დღემდე არ სურთ იმის აღიარება, რომ ჩიხში არიან და ე.წ სპეცოპერაცია უკვე გაკოტრდა. როგორც არ უნდა წარმოაჩინონ ოკუპანტებმა თავიანთი სავარაუდო „ძალაუფლება“ ხერსონში, მელიტოპოლში, აზოვისა და დონბასის ოკუპირებულ რაიონებში, ისინი იქ მხოლოდ დროებით არიან. ადგილზე ისევ იქნება უკრაინის დროშა, უკრაინის კანონი, უკრაინული ცხოვრება,"- აღნიშნა ზელენსკიმ.
ავტორი: ექსპრესნიუსი,
epn.ge (@expressnews.ge)
