ევროკომისია აპირებს გაამარტივოს რუსული აქტივების კონფისკაცია, რომლის მფლობელები სანქციების ქვეშ მოექცნენ. აღნიშნულის შესახებ ინფორმაციას გამოცემა Welt-ი ავრცელებს.

მათი თქმით, პროცესი რუსეთის წინააღმდეგ ევროპული სანქციების განხორციელების დასაჩქარებლადაა გამიზნული.

ამასთან, გავრცელებული ინფორმაციით, ბრიუსელი ცდილობს გააძლიეროს მუშაობა უკრაინის ომში ჩართული რუსი და ბელორუსიელი ოლიგარქებისა და პოლიტიკოსების წინააღმდეგ.

„ევროკომისია მალე წარუდგენს წინადადებას კონფისკაციისა და აქტივების დაბრუნების არსებული საკანონმდებლო ბაზის მოდერნიზაციის შესახებ, რათა გააძლიეროს ეროვნული ხელისუფლების უფლებამოსილებები კრიმინალური შემოსავლების ძიების, გაყინვის, კონფისკაციისა და მართვის მიზნით“, - თქვა ევროკომისიის ვიცე-პრეზიდენტმა მარგარიტის შინასმა.

მისი თქმით, დღეს ევროკავშირში სანქცირებული პირების ქონება 139 მილიარდ ევროდ არის შეფასებული, საიდანაც მხოლოდ ერთი პროცენტია ჩამორთმეული. აქტივების აღდგენის ოფისებს ევროკავშირის წევრი 27-ვე ქვეყანაში უნდა მიეცეს გაძლიერებული უფლებამოსილება მათი აღმოჩენის მიზნით.

ევროკომისიის ახალ გეგმებს ასევე შეუძლია დაეხმაროს სანქციების გამკაცრებას ოლიგარქებისა და პოლიტიკოსების წინააღმდეგ.

„ჩვენ ვხედავთ ძალიან კონკრეტულ მაგალითს, თუ რამდენად მნიშვნელოვანია გაყინვა და კონფისკაცია ევროკავშირის სანქციებთან დაკავშირებით რუსებისა და ბელორუსების წინააღმდეგ, რომლებიც უკრაინის წინააღმდეგ იბრძვიან“, - დასძინა შინასმა.

შეგახსენებთ, რომ მანამდე უკრაინის უმაღლესმა რადამ უკრაინის სასამართლოების გადაწყვეტილებით მიიღო კანონი რუსული აქტივების კონფისკაციის შესახებ.

ავტორი: ექსპრესნიუსი,

სოციალური ქსელები

თბილისში დიდი საპროტესტო მსვლელობა მიმდინარეობს

სებ: ბრიტანეთის სანქციებში მითითებული სუბიექტები ეროვნული ბანკის მიერ რეგულირებული არ არიან

ბრიტანეთმა 3 საქართველოში რეგისტრირებულ კომპანიას შეზღუდვები დაუწესა

საქართველოს ბანკის გზავნილი ემიგრანტებს დამოუკიდებლობის დღესთან დაკავშირებით