უკრაინა დასავლეთის მხრიდან შეიარაღების მიწოდების საკითხზე აქტიურ მოლაპარაკებებს რუსეთის სრულმასშტაბიანი შემოჭრამდეც აწარმოებდა, მაგრამ პარტნიორები ამ ნაბიჯის გადადგმას თავს არიდებდნენ, დრო დაიკარგა,- აცხადებს უკრაინის საგარეო საქმეთა მინისტრი, დმიტრო კულება,  Politico- სთვის მიცემულ ინტერვიუში.

კულებას თქმით შეიარაღების მიღებასთასთან დაკავშირებით თებერვლის ბოლოს აშშ-ს სახელმწიფო მდივანთან ენტონი ბლინკენთან ისაუბრა.

"ვუთხარი, რომ, ალბათ, საბოლოოდ დადგა დრო, უკრაინისთვის  საჰაერო თავდაცვის სისტემა „პატრიოტი“ მიეცათ, მან თქვა: „დიმიტრი, პრინციპში, ეს შეიძლება მოხდეს. მაგრამ სულ მცირე ორი-სამი თვეა საჭირო იმისთვის, რომ თქვენს ხალხს მათი გამოყენება ასწავლოთ“, - განაცხადა მინისტრმა.

კულებამ აღნიშნა, რომ ომის კურსი განსხვავებული იქნებოდა, თუ უკრაინა საჭირო იარაღს დროულად მიიღებდა.

„რომ არ დაგვჭირვებოდა პარტნიორებისთვის საათობითა და დღეების განმავლობაში ახსნა, თუ რატომ გვჭირდებოდა ეს კონკრეტული იარაღი და არა სხვა, ჩვენ უკვე მივიღებდით და ყველას ვასწავლიდით მის გამოყენებას. სიტუაცია სულ სხვანაირი იქნებოდა, ბევრად უკეთესი, ჩვენ ყველამ დავკარგეთ დრო და მივეცით პუტინს საშუალება მიეღო ის, რაც არ უნდა მიეღო“, - განაცხადა კულებამ.

ავტორი: ექსპრესნიუსი,

სოციალური ქსელები

ბოკუჩავა: პრეზიდენტ სააკაშვილის პოსტი უცნაურია, მსგავსმა იმპულსურმა გადაწყვეტილებებმა მიგვიყვანა იქამდე, სადაც ვართ

ევროპარლამენტმა საქართველოზე კრიტიკული ანგარიში მიიღო

საქართველოში დიდი ბრიტანეთის ელჩი საგარეო უწყებაში დაიბარეს

სააკაშვილი: ჩემი თავმჯდომარეობის კანდიდატი არის ნანუკა ჟორჟოლიანი