ევროკომისიის პრეზიდენტი, ურსულა ფონ დერ ლაიენის განცხადებით, ევროკავშირი რუსეთის წინააღმდეგ სანქციების მორიგ მეექვსე პაკეტის დაწესებისთვს ემზადება, სადაც რუსული ნავთობის სრული აკრძალვა იგეგმება.

მისი თქმით, ევროკავშირი ეტაპობრივად რუსულ ნავთობზე დამოკიდებულებას შეამცირებს და იმპორტის ალტერნატიულ მარშუტებს შექმნის.სანქციები ასევე შეეხება რუსეთის ეკონომიკას, სამხედროებსა და პროპაგანდას. 

ევროკომისიის პრეზიდენტი ამბობს, რომ რუსეთის პრეზიდენტ ვლადიმერ პუტინს უკრაინის რუკიდან წაშლა სურს, რაც რუსეთის პრეზიდენტს არ გამოუვა.

 "ჩვენ უნდა ვიყოთ ძალიან ფრთხილად, რათა მინიმუმამდე დავიყვანოთ ემბარგოს გავლენა გლობალურ ბაზარზე.ამგვარად, ჩვენ მაქსიმალურად ვზრდით ზეწოლას რუსეთზე და ამავე დროს მინიმუმამდე ვაყენებთ ზიანს ჩვენ და ჩვენს პარტნიორებს მთელ მსოფლიოში.  უნდა დავრწმუნდეთ, რომ ჩვენი ეკონომიკა ძლიერი დარჩეს. ჩვენ გვინდა, რომ უკრაინამ მოიგოს ეს ომი”, - თქვა მან. 

ფონ დერ ლეიენმა ასევე დასძინა, რომ ნედლი ნავთობის იმპორტი ეტაპობრივად შეწყდება 2022 წლის ბოლომდე.მას არ უსაუბრია, გავრცელებულ ინფორმაციაზე, რომ ევროკავშირის წევრ, უნგრეთსა და სლოვაკეთს ნავთობის ემბარგოდან გათავისუფლების უფლება მიეცემა. 

ავტორი: ექსპრესნიუსი,

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის