აშშ-ს არ სჯერა რუსეთის პრეზიდენტის ვლადიმერ პუტინის განწყობის უკრაინასთან დიპლომატიური თანამშრომლობის დამყარებაზე,- ამის შესახებ შეერთებული შტატების სახელმწიფო მდივანმა ენტონი ბლინკენმა სენატის საგარეო ურთიერთობათა კომიტეტში გამოსვლისას განაცხადა.

ბლინკენმა აღნიშნა ისიც, რომ აშშ აჩქარებს იარაღის მიწოდებას უკრაინაში და რომ პროცესი ახლა უკვე უკრაინისგან მოთხოვნის მიღებიდან  72 საათს საჭიროებს.

„აქამდე ჩვენ არ გვინახავს რაიმე ნიშანი იმისა, რომ პრეზიდენტი პუტინი სერიოზულად ეკიდება კონსტრუქციულ მოლაპარაკებებს“, - განაცხადა ბლინკენმა

ამასთან ერთად, ბლინკენმა გამოხატა აშშ-ს სურვილი, მხარი დაუჭიროს უკრაინის ძალისხმევას, რომელიც მიმართულია ომის დიპლომატიური დასრულებისკენ და დასძინა, რომ ვაშინგტონის მიზანია დარწმუნდეს იმაში, რომ უკრაინას აქვს უნარი მოიგერიოს რუსული აგრესია და, უფრო მეტიც, გააძლიეროს თავისი პოზიცია მოლაპარაკების მაგიდასთან.

„ტერიტორია, რომლის აღებაც რუსეთის მთავრობამ ორი თვის წინ მიიჩნია, დღეს მტკიცედ ეკუთვნის უკრაინას.

კიევში ჩვენ დავინახეთ ქალაქის გაცოცხლების ნიშნები: ხალხი ჭამდა ქუჩაში, ისხდნენ სკამებზე და სეირნობნენ. ჩვენ საკუთარი თვალით ვნახეთ, რომ უკრაინელებმა მოიგეს ბრძოლა კიევისთვის", - დასძინა ბლინკენმა.

შეგახსენებთ, რომ ენტონი ბლინკენი იყო პირველი, ვინც კანონმდებლებს მას შემდეგ ესაუბრა, რაც თავდაცვის მდივან ლოიდ ოსტინთან ერთად, 24 აპრილს მოულოდნელად ჩავიდნენ კიევში, სადაც უკრაინის პრეზიდენტ ვოლოდიმირ ზელენსკის შეხვდნენ.

ავტორი: ექსპრესნიუსი,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა