2022-04-25 12:04:36, 1494 ნახვა
ომი უკრაინაში
გერმანიის ვიცე-კანცლერი: შეცდომა დავუშვით, როდესაც უკრაინას დროულად არ გავუწიეთ სამხედრო დახმარება
გერმანიამ წარსულში შეცდომა დაუშვა, უკრაინისთვის სამხედრო დახმარება წლების წინ უნდა გაეწია,-ამის შესახებ გერმანიის ვიცე-კანცლერმა რობერტ ჰაბეკმა ადგილობრივ არხ ZDF-თან ინტერვიუში განაცხადა.
გარდა ამისა, ვიცე-კანცლერმა აღნიშნა, რომ უკრაინა ახლა არამხოლოდ საკუთარი, არამედ მთელი ევროპის თავისუფლებისთვის იბრძვის. ამიტომ გერმანიამ უკრაინას საჭირო შეიარაღება უკვე მიაწოდა და კიდევ აპირებს ამის გაკეთებას.
“უკრაინას სამხედრო კუთხით გაცილებით უფრო ადრე უნდა დავხმარებოდით. აქ საუბარია არა დღეებზე ან კვირებზე, არამედ წლებზე. ცხადია, ეს არის უდიდესი შეცდომა, რომელიც წარსულში დავუშვით. თუმცა, ის რომ წარსულში სწრაფად არ ვიმოქმედეთ, არ ნიშნავს, რომ ახლაც ასე უნდა მოვიქცეთ,”- აღნიშნა ჰებეკმა.
ავტორი: ექსპრესნიუსი,
epn.ge (@expressnews.ge)
