2022-04-25 11:44:02, 2081 ნახვა
ომი უკრაინაში
რუსეთის ქალაქ ბრაიანსკში მდებარე საწარმოს, საიდანაც ევროპას ნავთობი მიეწოდება, ცეცხლი უკიდია
რუსეთში, ქალაქ ბრაიანსკში ნავთობის საცავი „ტრანსნეფტ ბრიანსკის დრუჟბა“ იწვის. ამის შესახებ ინფორმაციას მოსკოვის საგანგებო სიტუაციების სამინისტროს პრესსამსახური ავრცელებს.
ხანძრის გამომწვევი მიზეზი ჯერჯერობით დადგენილი არ არის, თუმცა წინასწარი მონაცემებით, შემთხვევას მსხვერპლი არ მოჰყოლია.
ადგილობრივი მედიის ცნობით, ხანძარს წინ აფეთქება უძღოდა.
ბრაიანსკის რეგიონი ესაზღვრება უკრაინას, სადაც საომარი მოქმედებები მიმდინარეობს. ქალაქი ბრაიანსკი უკრაინის საზღვრიდან 100 კმ-ზე მეტ მანძილზე მდებარეობს, რაც პრაქტიკულად გამორიცხავს უკრაინის ტერიტორიიდან სარაკეტო დარტყმას.
საწარმო მართავს დრუჟბას ნავთობსადენს, რომლის მეშვეობითაც ნავთობი რუსეთიდან ევროპაში მიეწოდება.
ავტორი: ექსპრესნიუსი,
epn.ge (@expressnews.ge)
