ახლა მხოლოდ რუსეთის პრეზიდენტს, ვლადიმერ პუტინს შეუძლია გადაწყვიტოს 100 000 მშვიდობიანი მოქალაქის ბედი, რომლებიც ჯერ კიდევ მარიუპოლში არიან ჩარჩენილები, - ამის შესახებ ქალაქის მერმა, ვადიმ ბოიჩენკომ Reuters-თან ინტერვიუში განაცხადა და აღნიშნა, რომ დაღუპულთა რეალური რიცხვის დასამალად რუსები ცხედრებს თავად მარხავენ.

„მნიშვნელოვანია გვესმოდეს, რომ სიცოცხლე, რომელიც ჯერ კიდევ არსებობს, არის მხოლოდ ერთი ადამიანის - ვლადიმერ პუტინის ხელში. და ყველა სიკვდილი, რომელიც ახლა მოხდება, ასევე მის ხელში იქნება", - აღნიშნა ბოიჩენკომ.

ბოიჩენკოს თქმით, მანამდე თითქმის ორთვიანი ალყის შემდეგ პუტინმა მარიუპოლისთვის ბრძოლაში გამარჯვება გამოაცხადა.

„ქალაქის გათავისუფლება არ იყო დაგეგმილი. ეს იყო განადგურების გეგმა. დღეს ყველა დონეზე ჩვენ მხოლოდ ერთ რამეზე ვსაუბრობთ, რომ ჩვენ გვჭირდება ცეცხლის შეწყვეტა, გვჭირდება მარიუპოლის 100 000 მაცხოვრებლის დროული ევაკუაცია, რომლებიც რუსული ძალების ტყვეები არიან და ჩვენ უნდა გავათავისუფლოთ ყველა ადამიანი, ვინც აზოვსტალში იმყოფება, “ - დასძინა ქალაქის მერმა..

გარდა ამისა ბოიჩენკომ აღნიშნა ისიც, რომ ჯერ კიდევ აქვს იმის იმედი, რომ შეიძლება რაიმეს გაკეთება ქალაქში ჩარჩენილთა დასახმარებლად, მიუხედავად ამ კვირაში ცეცხლის შეწყვეტის შეთანხმების წარუმატებლობისა, რომლის თანახმადაც 90 ავტობუსი დაახლოებით 6000 ადამიანის ევაკუაციისთვის იყო განკუთვნილი.

შეგახსენებთ, რომ 19 აპირილს რუსულმა ჯარებმა მარიუპოლში მდებარე აზოვსტალის ქარხანაზე შეტევა დაიწყეს, სადაც დაახლოებით ათასი ადგილობრივი მცხოვრები იმყოფებოდა.

ავტორი: ექსპრესნიუსი,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა