რუსული ქვედანაყოფები, რომლებმაც უკრაინასთან ომში დიდი დანაკარგები განიცადეს, სამშობლოში ან ბელარუსში რეორგანიზაციისთვისა და მარაგების შესავსებად დაბრუნდებიან, - ამის შესახებ დიდი ბრიტანეთის დაზვერვის სამსახურის ინფორმაციაშია აღნიშნული. 

„რუსეთის ქვედანაყოფები, დიდი დანაკარგების შემდეგ, იძულებულები იყვნენ დაბრუნებულიყვნენ სამშობლოში ან ბელარუსში, რათა გადაფორმირებულიყვნენ და მარაგები შეევსოთ. ასეთი აქტივობა დამატებით ზეწოლას ახდენს რუსეთის ისედაც დაძაბულ ლოჯისტიკაზე და მეტყველებს იმაზე, თუ რა სიძნელეებს უქმნის რუსეთს თავისი ქვედანაყოფების რეორგანიზაციასთან დაკავშირებული საკითხები უკრაინაში", - აღნიშნულია დაზვერვის განცხადებაში. 

დიდი ბრიტანეთის დაზვერვაში მიიჩნევენ, რომ რუსეთი, დიდი ალბათობით, გააგრძელებს სახმელეთო მანევრირების შესაძლებლობების კომპენსაციას მასიური საარტილერიო და სარაკეტო დარტყმებით. 

„რუსეთის მიერ გაკეთებული აქცენტები დონეცკისა და ლუგანსკის წინააღმდეგ შეტევებზე, ალბათ, მდუმარე აღიარებაა, რომ ის ცდილობს ერთზე მეტი მნიშვნელოვანი ხაზის მხარდაჭერას", - დასძინეს დიდი ბრიტანეთის თავდაცვის უწყებაში. 

ავტორი: ექსპრესნიუსი,

სოციალური ქსელები

ინვესტიციები თუ ანაბარი - როგორ დავაბანდოთ დანაზოგი ჭკვიანურად?

ქართულ ბანკებში 70.03 მლრდ ლარის დეპოზიტებია განთავსებული

ისრაელის არმია ადასტურებს მოჰამედ ოდეჰის მკვლელობას: ის იყო ერთ-ერთი ბოლო ჰამასის მეთაური, რომელმაც მონაწილეობა მიიღო 7 ოქტომბრის ხოცვა-ჟლეტაში

MyCellfie-მ საუკეთესო მობილური აპლიკაციის ჯილდო მიიღო