უკრაინის პრემიერ-მინისტრი დენის შმიგალი აცხადებს, რომ რუსეთის მხრიდან ფართომასშტაბიანი სამხედრო აგრესიისგან გამოწვეული ზარალი, რომელიც ქვეყნის ინფრასტრუქტურასა და ეკონომიკას უკვე მიადგა და კიდევ მიადგება, 1 ტრილიონ დოლარს აღემატება.

როგორც დენის შმიგალმა „ინტერფაქსთან" საუბრისას აღნიშნა, ირიბად გამოთვლილი ზარალი, მომდევნო წლებში დანაკარგების გათვალისწინებით, ტრილიონ დოლარზე მეტია.

მისი თქმით, პირდაპირი კომპონენტი ინფრასტრუქტურული დანაკარგია,

„ეს არის ის, რაც დავკარგეთ პირდაპირი ნგრევის შედეგად - ხიდები, გზები, საცხოვრებელი სახლები, შენობები, თუმცა ეს რიცხვები ყოველდღიურად იზრდება. ახლა ჩვენი შეფასებით არის დაახლოებით $120 მილიარდი. თუ გავითვალისწინებთ სამხედრო ინფრასტრუქტურას და სხვა სამოქალაქო ხარჯებს, მაშინ. 270 მილიარდ დოლარზე მეტი", - განაცხადა დენის შმიგალმა. 

პრემიერმა დასძინა, რომ დეტალური გაანგარიშებისთვის შექმნილია სპეციალური რეესტრი, რომელიც დაკარგული ქონების აღსადგენად იმუშავებს და თითოეულ ოჯახს შეეძლება, დარეგისტრირდეს და დააფიქსიროს საკუთარი ზარალი. 

ავტორი: ექსპრესნიუსი,

სოციალური ქსელები

დიდი ხნის შემდეგ პირველად, რუსული არმია ზაპორიჟიესა და დნიპროპეტროვსკის მიმართულებებიდსნ უკან იხევს

ამერიკელი მედიამაგნატი Vogue, The New Yorker,-ს მფლობელი დონალდ ნიუჰაუსი 96 წლის ასაკში გარდაიცვალა

თბილისის მერია სიონის ტაძარში რეაბილიტაციის პროექტს იწყებს

საქართველოს ქალაქებში სამხედრო ტექნიკის გამოფენა გაიმართა