შეერთებული შტატები და მისი დასავლელი მოკავშირეები აფასებენ, უნდა დარჩეს თუ არა რუსეთი უკრაინაში შეჭრის შემდეგ მსოფლიო ეკონომიკის მთავარ სტრატეგიულ ეკონომიკურ ფორუმის ოცეულში (G20), - ამის შესახებ Reuters-ს დისკუსიაში ჩართულმა წყაროებმა განუცხადეს.

"იყო დისკუსია იმის შესახებ, მიზანშეწონილია თუ არა რუსეთისთვის G20-ის ნაწილი იყოს" - თქვა G7-ის მაღალჩინოსანმა წყარომ.

წყაროების ცნობით, არსებობს იმის ალბათობა, რომ რუსეთის პირდაპირ გარიცხვის მცდელობას შესაძლოა ფორუმის სხვა წევრებმა(ჩინეთმა, ინდოეთმა, საუდის არაბეთმა და სხვებმა) ვეტო დაადონ. ამასთან რუსეთის გარიცხვა ზრიდის იმის პერსპექტივას, რომ ზოგიერთი ქვეყანა  G20-ის შეხვედრებს გამოტოვებს.

ევროკავშირის წყარომ ცალკე დაადასტურა რუსეთის სტატუსის შესახებ დისკუსიები G20-ის მომავალ შეხვედრებზე, რომლის მონაცვლე თავმჯდომარე ამჟამად ინდონეზიაა.

„ინდონეზიას ძალიან მკაფიოდ განუცხადეს, რომ რუსეთის ყოფნა მომავალ მინისტერიალებზე ევროპული ქვეყნებისთვის უაღრესად პრობლემური იქნებოდა“, - თქვა წყარომ და დასძინა, რომ არ არსებობს რაიმე ქვეყნის გამორიცხვის მკაფიო პროცესი.

Reuters-ის ცნობით, შეერთებული შტატები გეგმავს კონსულტაციებს თავის მოკავშირეებთან, სანამ რაიმე სხვა განცხადებები გაკეთდება.

ავტორი: ექსპრესნიუსი,

სოციალური ქსელები

უკრაინაში დააკავეს მართლმადიდებელი მღვდელი, რომელიც რუს ოკუპანტებს რაკეტების დარტყმის სამიზნეებს აძლევდა

პაპუაშვილი - 26 მაისის საპროტესტო აქცია რადიკალური ოპოზიციისთვის სიკვდილით დასჯად იქცა

პროკურატურამ საბავშვო ბაღში ბავშვის ცემაში ეჭვმიტანილ მასწავლებელს ბრალდება წარუდგინა

ბრიტანეთის მიერ დასანქცირებული ქართული კომპანიების წინააღმდეგ გამოძიება დაიწყო