2022-03-21 18:18:16, 871 ნახვა

---

რუსეთის საგარეო - ჯო ბაიდენის განცხადებებმა პუტინის შესახებ, ქვეყნებს შორის ურთიერთობა გაწყვეტის ზღვარზე დააყენა

რუსეთის საგარეო საქმეთა სამინისტროში აცხადებენ, რომ აშშ-ის პრეზიდენტის, ჯო ბაიდენის განცხადებებმა რუსეთის პრეზიდენტის, ვლადიმერ პუტინის შესახებ ქვეყნებს შორის ურთიერთობები გაწყვეტის პირას დააყენა. 

რუსული მედიის ინფორმაციით, კრემლის პრესსპიკერმა, დიმიტრი პესკოვმა განაცხადა, რომ ასეთი რიტორიკა აშშ-ის პრეზიდენტისგან, რომლის „ბომბებსაც ათასობით მშვიდობიანი მოქალაქე ემსხვერპლა" დაუშვებელი და უპატიებელია.

ცნობისთვის, აშშ-ის პრეზიდენტმა ჯო ბაიდენმა ირლანდიის მეგობრობის ყოველწლიურ ვახშამზე, რუსეთის ფედერაციის პრეზიდენტს, ვლადიმერ პუტინს „მომაკვდინებელი დიქტატორი", „სუფთა ყაჩაღი" და „ომის დამნაშავე" უწოდა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი