„რუსულმა ძალებმა უკრაინაში პატივი უნდა სცენ საერთაშორისო ჰუმანიტარულ კანონს, დაიცვან მშვიდობიანი მოსახლეობა და თავი შეიკავონ სამოქალაქო ინფრასტრუქტურის დაზიანებისა და განადგურებისგან“, - ამის შესახევ იანეზ ლენარჩიჩმა, ჰუმანიტარული დახმარებისა და კრიზისების მართვის ევროკომისარმა განაცხადა.

„ხელმისაწვდომობა ბევრგან იყო, თუმცა საუკეთესო შემთხვევაში სპორადული ან არარსებული“, და რუსეთი „ჰუმანიტარული მარაგებისა და ჰუმანიტარული მუშაკების შეუფერხებელ წვდომას გაჭირვებული ადამიანებისთვის არ უზრუნველყოფს“, - განაცხადა იანეზ ლენარჩიჩმა.

დახმარების სააგენტოებს, რომლებიც აწვდიან დახმარებას ევროკავშირიდან, ექმნებათ „სირთულეები ალყაში მოქცეულ ქალაქებში მისასვლელად“, თქვა მან და დასძინა, რომ მათ „უჭირთ იმ მოსახლეობასთან მიღწევა, რომლებიც აქტიური კონფლიქტის ზონებშია მოქცეული“.

მან ამაში რუსული ძალები დაადანაშაულა და განაცხადა, რომ ისინი „არ ასრულებენ თავიანთ საერთაშორისო სამართლებრივ ვალდებულებებს“.

ევროკავშირის საგანგებო სიტუაციებზე რეაგირების საკოორდინაციო ცენტრში (ERCC), ბრიუსელში გამოსვლისას, სადაც ევროკავშირი მის 27-ვე ქვეყნიდან, კოორდინაციას უწევს ჰუმანიტარული დახმარების შეგროვებასა და მიწოდებას, კომისარმა თქვა, რომ უკრაინისთვის დახმარების გაწევა იყო „ყველაზე დიდი სამოქალაქო დაცვის ოპერაცია“, მას შემდეგ, რაც 2001 წელს, ევროკავშირის კატასტროფებზე რეაგირების მექანიზმი შეიქმნა.

„ამ აგრესიამ გამოიწვია ისეთი მასშტაბის ჰუმანიტარული კატასტროფა, რომელიც მეორე მსოფლიო ომის შემდეგ არ გვინახავს. უკრაინაში ხალხის საჭიროებები უზარმაზარია“, - თქვა მან.

ERCC, რომელიც მუშაობს 24 საათის განმავლობაში, ამჟამად კოორდინაციას უწევს „საკვების, მედიკამენტების, სამედიცინო აღჭურვილობის, სასწრაფო დახმარების მანქანების, მობილური საავადმყოფოების, ხანძარსაწინააღმდეგო აღჭურვილობის, სახანძრო მანქანებისა და საწვავის“ უკრაინაში მიწოდებას, დასძინა იანეზ ლენარჩიჩმა.

კომისარმა თქვა, რომ ის ელის, რომ ლტოლვილთა რიცხვი გაგრძელდება, თუ შემოჭრა გაგრძელდება.

„ახლა კვირაში ერთი მილიონი ლტოლვილი გვყავს. ასე რომ, თუ ეს კიდევ 10 კვირა გაგრძელდება, დიახ, ჩვენ შეგვიძლია მივაღწიოთ 15 მილიონი ადამიანის მაჩვენებელს“, - თქვა მან.

ავტორი: ექსპრესნიუსი,

სოციალური ქსელები

ზურაბიშვილი: რატომ გახდა ეს ქვეყანა ტრაგედიის, სიკვდილის, უსამართლობის, სიძულვილისა და სისასტიკის ქვეყანა?

კლინიკის ინფორმაციით, ბათუმში, გუშინ დაჭრილი მამაკაცის ჯანმრთელობის მდგომარეობა მძიმეა და ის მართვით სუნთქვაზე იმყოფება

სააკაშვილი: ვახო სანაიას დაპატიმრება საზოგადოების დაშინებისა და მედიის წინააღმდეგ დიდი გეგმის ნაწილია

საია: ოქრიაშვილზე თავდასხმა სახელმწიფოს მიერ შექმნილი ძალადობრივი გარემოს შედეგია