2022-03-03 11:13:32, 942 ნახვა
მსოფლიო
ხარკოვში, ქალაქ იზიუმის დაბომბვას 8 ადამიანის სიცოცხლე ემსხვერპლა, მათ შორის, ბავშვების
ხარკოვის ოლქის ქალაქ იზიუმში ჭურვის აფეთქების შედეგად 8 ადამიანი დაიღუპა, მათ შორის ბავშვები.
ამის შესახებ Facebook-ზე იზიუმის მერის მოადგილემ ვლადიმერ მაცოკინმა განაცხადა.
მისი თქმით, ოკუპანტების მიერ ნასროლი ჭურვი უკრაინსკის ქუჩაზე მდებარე სახლს მოხვდა. მანამდე ვრცელდებოდა ინფორმაცია, რომ დაღუპული იყო 6 ადამიანი, მათ შორის, 2 ბავშვი. მაცოკინის ცნობით, ჭურვი მოხვდა პოლიციის შენობასაც და ქალაქის ცენტრში "მნიშვნელოვანი ნგრევაა".
ავტორი: ექსპრესნიუსი,
epn.ge (@expressnews.ge)
