2022-03-02 10:03:23, 890 ნახვა
მსოფლიო
ხერსონის მერის განცხადებით, ქალაქი ოკუპირებულია და დაღუპულია ბევრი ადამიანი
უკრაინის ქალაქ ხერსონის მერი, იგორ კოლიხაევი აცხადებს, რომ რუსმა ოკუპანტებმა ქალაქის პორტი და რკინიგზის სადგური დაიკავეს, - ამის შესახებ ინფორმაციას უკრაინული მედია ავრცელებს.
ხერსონის მერმა დაადასტურა ინფორმაცია, რომ ქალაქში დაბომბეს უკრაინის უსაფრთხოების სამსახურის შენობა, რის შემდეგაც, იქ ხანძარი დაიწყო.
მერმა სთხოვა უკრაინის პრეზიდენტს, ვოლოდიმირ ზელენსკის, რომ მოახდინოს „მწვანე კორიდორის“ ორგანიზება, რათა „შეაგროვონ ასობით გვამი“. ხერსონის მერმა ასევე ითხოვა დახმარება პროდუქტების სახით.
ხერსონის მერმა ასევე განაცხადა, რომ დაიღუპა და დაიჭრა ბევრი ადამიანი, როგორც სამხედრო, ასევე მშვიდობიანი მოსახლეობა.
ავტორი: ექსპრესნიუსი,
.png)
epn.ge (@expressnews.ge)
