„მჭიდრო კომუნიკაცია გვაქვს საქართველოში უკრაინის საელჩოსთან და უკრაინის ჯანდაცვის სამინისტროსთან. თუ საჭიროება იქნება, სისხლის გაგზავნას უზრუნველვყოფთ, - ამის შესახებ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ზურაბ აზარაშვილმა მთავრობის სხდომის შემდეგ განაცხადა.

მისი განმარტებით ამ ეტაპზე უკრაინაში სისხლის გაგზავნის საჭიროება არ დგას.

„გვქონდა კომუნიკაცია უკრაინის ჯანდაცვის სამინისტროს შესაბამის უწყებასთან. ჩვენ ვკითხეთ, თუ არის სისხლის მიწოდების საჭიროება, რაზეც მათ განაცხადეს, რომ ამის საჭიროება დღეს არ დგას. თუმცა, ამის მიუხედავად, ჩვენ ჩვენი არსებული მარაგებიდან ერითროციტების გარკვეული მასა მაინც გავაგზავნეთ ტვირთთან ერთად უკრაინაში. ის ათეულობით უკრაინელს დაეხმარება, თუ ამის საჭიროება ექნებათ.

ბევრი კითხვა იყო სისხლის ჩაბარებასთან დაკავშირებით. ჩვენ მჭიდრო კომუნიკაცია გვაქვს ადგილობრივ უკრაინის საელჩოსთან და უკრაინის ჯანდაცვის სამინისტროსთან. თუ ამის საჭიროება იქნება ქვეყანაში, სისხლის გაგზავნას უზრუნველვყოფთ“,- აღნიშნავს მინისტრი.

როგორც ჯანდაცვის მინისტრმა განაცხადა თუ უკრაინა სურვილს გამოთქვამს, მედიკოსების გაგზავნის საკითხს განიხილავენ.

„თუ რაიმე საჭიროებაა ჯანდაცვის მიმართულებით, ჩვენ აქტიურად ვართ ჩართული. თუ ამის სურვილს გამოთქვამენ, რა თქმა უნდა, ამ საკითხსაც განვიხილავთ და შევძლებთ“,- აღნიშნავს მინისტრი.

ავტორი: NS (სტატია დაფინანსებულია),

სოციალური ქსელები

ვისაუბრეთ ურთიერთობების პერსპექტივებზე – ბოჭორიშვილი აშშ-ს დროებით რწმუნებულს შეხვდა

დაჭრა 2 ადამიანი და ადგილიდან მიიმალა - გორში მომხდარზე შსს-მ 1 პირი დააკავა

თბილისში არასრულწლოვანმა, ცივი იარაღის გამოყენებით, ტაქსის მძღოლი დაჭრა - კონფლიქტი მგზავრობის საფასურის გამო მოხდა

საქართველოს პროკურატურა ალეკო ელისაშვილის წინააღმდეგ ახალ ბრალდებას ამზადებს