რუსეთის მასობრივი სამხედრო მობილიზაციის პირობებში, ნატო აქქტიურებს საბრძოლო ძალებს მიწაზე, ჰაერში და ზღვაზე, - ამის შესახებ ჩრდილოატლანტიკური ალიანსის საგანგებო სხდომის შემდეგ, ნატო-ს გენერალურმა მდივანმა, იენს სტოლტენბერგმა ბრიფინგზე განაცხადა.

როგორც სტოლტენბერგმა აღნიშნა, 100-ზე მეტი თვითმფრინავი, 120-ზე მეტი საბრძოლო გემი საბრძოლო მზადყოფნაშია.

მისივე თქმით, კრემლის მიზანი არ შემოიფარგლება მხოლოდ უკრაინით და რუსეთი, როგორც აგრესორი და ბელარუსი, როგორც თანამონაწილე, ამაზე პასუხს აგებს.

„კრემლის მიზანი არ შემოიფარგლება უკრაინით, რუსეთმა მოითხოვა ლეგალური გარანტიები, რომ ნატო არ გაფართოვდება აღმოსავლეთით და ჯარები გაყვანილ იქნება აღმოსავლეთ ევროპიდან. ჩვენ ვართ ახალი გამოწვევების წინაშე. რუსეთი ღიად უპირისპირდება ევროპულ უსაფრთხოების სისტემას. მსოფლიო რუსეთს და ბელარუსს პასუხს აგებინებს ამ ქმედებებისთვის. რუსეთს, როგორც აგრესორს, ბელარუსს, როგორც თანამონაწილეს. 

პუტინის გადაწყვეტილება, შეჭრილიყო უკრაინაში სტრატეგიული შეცდომა, რომლისთვისაც რუსეთი საფასურს  გადაიხდის მომავალი წლების განმავლობაში. რუსეთის მასობრივი სამხედრო მობილიზაციის პირობებში ჩვენ ვააქტიურებთ ნატოს საბრძოლო ძალებს მიწაზე, ჰაერში და ზღვაზე. აშშ, კანადა და ევროპა ახდენენ ძალების მობილიზებას ალიანსის აღმოსავლეთ საზღვართან. ჩვენ მოვიყვანეთ 100-ზე მეტი თვითმფრინავი საბრძოლო მზადყოფნაში, ასევე, 120-ზე მეტი საბრძოლო გემი ჩრდილოეთის ზღვიდან ხმელთაშუა ზღვამდე. ყველაფერს გავაკეთებთ იმისთვის, რომ დავიცვათ ნატოს ტერიტორიის თითოეული სანტიმეტრი“, - განაცხადა იენს სტოლტენბერგმა.

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს