2022-02-20 21:47:18, 1489 ნახვა

---

CBS - აშშ-ს დაზვერვამ მიიღო ინფორმაცია რუსი მეთაურების მიერ უკრაინაში შეჭრის დაწყების ბრძანების შესახებ

რუს სამხედრო მეთაურებს უკრაინაში შეჭრის დაწყების ბრძანება მიეცათ,  აშშ-ს დაზვერვის მონაცემებზე დაყრდნობით ცნობას ტელეკომპანია CBS - ი ავრცელებს.

არხის ცნობით, ახლა რუსეთის სამხედრო სარდლობა ბრძოლის ველზე მოქმედების გეგმას ავითარებს. არხის კორესპონდენტი ასევე ირწმუნება, რომ შეჭრა შესაძლოა კიევზე თავდასხმით დაიწყოს, გარდა ამისა, მოსკოვი უკრაინაზე კიბერშეტევების განხორციელებას გეგმავს.

CBS-ი არ აკონკრეტებს, საიდან მიიღო ინფორმაცია უკრაინაში შეჭრის დაწყების ბრძანების შესახებ.

რუსეთმა 100 000-ზე მეტი ჯარისკაცი  უკრაინის საზღვართან განალაგა, იტყობინება დასავლური მედიის ცნობით,  ადგილობრივ ძალებთან ერთობლივი წვრთნებისთვი დაახლოებით 30 000-ზე მეტი რუსი სამხედრო ბელორუსიაში იმყოფებას. 
18 თებერვალს აშშ-ს პრეზიდენტმა ჯო ბაიდენმა განაცხადა, რომ დარწმუნებულია, რომ პუტინი გადაწყვეტს უკრაინაზე თავდასხმას. თეთრმა სახლმა, პენტაგონმა და ბრიტანულმა დაზვერვამ ადრე განაცხადეს, რომ რუსეთი ამზადებს პროვოკაციას უკრაინაში შეჭრის გასამართლებლად.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი