სამედიცინო და ფარმაცევტული საქმიანობის რეგულირების სააგენტოს დირექტორი ზაალ კაპანაძე წამლის პოლიტიკის და ფარმაცევტული პრაქტიკის დარგში,  ჯანმრთელობის მსოფლიო ორგანიზაციის თანამშრომლობითი ცენტრის, „ფარმაკონის“  წარმომადგენლებს შეხვდა.

ჯანდაცვის სამინისტროს ინფორმაციით, მხარეებმა GMP/GDP ინსპექტორების მოსამზადებელი ტრენინგების შესახებ ისაუბრეს.  „ფარმაკონის“  ექსპერტების მიერ შემუშავებულია  3 მოდულიანი კურსი, რომელიც GMP/GDP-ის ინსპექტორებისთვის უწყვეტ პროფესიულ განვითარებას უზრუნველყოფს.

პროფესიული განვითარების პროგრამის პირველი მოდული იანვარში, დისტანციურად მიმდინარეობდა. ხვალიდან კი ტრენინგის პრაქტიკული ნაწილი დაიწყება, რისთვისაც „ფარმაკონის“ ექსპერტები საქართველოში სპეციალურად ჩამოვიდნენ.

დანიელ ექსპერტებთან შეხვედრას სამედიცინო და ფარმაცევტული საქმიანობის რეგულირების სააგენტოს დირექტორის მოადგილეები, შესაბამისი დეპარტამენტისა და სამმართველოს ხელმძღვანელი პირები ესწრებოდნენ.

შეგახსენებთ, რომ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრომ, ქვეყანაში წარმოებული და იმპორტირებული მედიკამენტების ხარისხის უზრუნველყოფის მიზნით, დაიწყო GMP (კარგი საწარმოო პრაქტიკის) და GDP (კარგი დისტრიბუციის პრაქტიკის) სტანდარტის დანერგვა. GMP/GDP სტანდარტების დანერგვა ქვეყნისთვის უმნიშვნელოვანესი საკითხია, რამდენადაც აღნიშნული სტანდარტი უზრუნველყოფს ქვეყანაში, მიმოქცევაში არსებული ფარმაცევტული პროდუქტების მაღალ ხარისხს და საქართველოში წარმოებული მედიკამენტების ექსპორტის ზრდას.

ავტორი: NS (სტატია დაფინანსებულია),

სოციალური ქსელები

იანვარში მომიტინგეების სიკვდილით დასჯის გამო ირანში ახალი საპროტესტო აქციები გაიმართა

10-დღიანი პატიმრობა შეუფარდეს დემონსტრანტს, რომელიც საკრებულოსთან დააკავეს

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება